ۇكىمەت ورمان مەكەمەلەرىندەگى ءورت سوندىرۋشىلەرگە ارنايى كيىم الۋ ءۇشىن 918 ملن تەڭگە بولەتىنىن حابارلادى.
قازاقستان پرەمەر-مينيسترى ءاليحان سمايىلوۆ قول قويعان قاۋلى بويىنشا بۇل قاراجاتقا 30 تابيعاتتى قورعاۋ مەكەمەسى مەن 16 ورمان مەكەمەسىنىڭ قىزمەتكەرلەرىنە ورتتەن قورعايتىن كيىم ساتىپ الىنادى. بۇل تۋرالى ازاتتىق راديوسى حابارلادى.
ەسكە سالا كەتەيىك، ماۋسىم ايىنىڭ باسىندا اباي وبلىسىنداعى "سەمەي ورمانى" رەزەرۆاتىندا ءورت شىعىپ، ءبىر اپتاعا جۋىق ۋاقىت ىشىندە ونىڭ اۋماعى 60 مىڭ گەكتاردان استى. ءورت كەزىندە 15 ادام قازا بولدى، ونىڭ 14ء-ى – ورمان شارۋاشىلىعى قىزمەتكەرى. مارقۇمداردىڭ تۋىستارى ورمانشىلار ءورت سوندىرۋگە ەشقانداي قۇرال-جابدىقسىز بارعانىن، ولارعا جۇمىسىنان ارنايى كيىم بەرىلمەگەنىن ايتقان. كەيىن كاسىپورىن باسشىلىعى ءورت قاۋىپسىزدىگى تالاپتارىن بۇزعان دەگەن كۇدىككە ءىلىندى.
پىكىر قالدىرۋ