تۇركياداعى جول اپاتىنان اۋرۋحاناعا تۇسكەن قازاقستان ءتۋريسى قازا بولدى. قازاقستان سىرتقى ىستەر مينيسترلىگىنىڭ باسپا ءسوز حاتشىسى ايبەك سمادياروۆ حابارلادى.  

قازا بولعان ادام تۋرالى تولىق اقپارات ازىرگە قولىندا جوق، ءبىراق جول اپاتىنا ۇشىراعان ميكرواۆتوبۋستاعى تۋريستەردىڭ ءبارى تۇركياعا قازاقستاننىڭ ماڭعىستاۋ وبلىسىنان بارعاندار دەگەن بولجام بار.

ونىڭ سوزىنشە، قازاقستان كونسۋلى جول اپاتىنان زارداپ شەككەندەر ماسەلەسىمەن اينالىسىپ جاتىر.

"زارداپ شەككەندەر ەسىن ەندى جيناپ جاتىر. ءۇش ادام اۋرۋحاناعا تۇسكەن، ءبىراق ءارقايسى بولەك-بولەك اۋرۋحانادا، كونسۋل ۇشەۋىنە دە بارىپ، حال-احۋالدارىن ءبىلىپ وتىر" دەدى ايبەك سمادياروۆ.

30 شىلدەدە تۇركيانىڭ الانيا اۋدانىنىڭ انتاليا پروۆينسياسىندا قازاقستان تۋريستەرى مىنگەن اۆتوبۋسقا جۇك كولىگى قاتتى جىلدامدىقپەن سوعىپ، جول اپاتىن جاساعان.

ميكرواۆتوبۋس جۇرگىزۋشىسى مەن الدىڭعى ورىندا وتىرعان ۋكراين گيدى سول جەردە قازا بولىپ، 10 ادام جارالانعانىن جەكسەنبىدە Hurriyet گازەتى حابارلادى. 

دەرەككوز: ازاتتىق راديوسى