ەندى ەلەكتروندىق ۇكىمەت پورتالى ارقىلى تەوريالىق نەمەسە پراكتيكالىق ەمتيحانداردى تاپسىرۋعا ءوتىنىش بەرەردە بيومەتريالىق سايكەستەندىرۋ راسىمىنەن ءوتۋى قاجەت. بۇل تۋرالى ىشكى ىستەر مينيسترلىگى حابارلادى.
جۇرگىزۋشى كۋالىگىن الۋ ءۇشىن ەمتيحان تاپسىرعاندا بۇل ءراسىم 3 رەت: ەمتيحان الدىندا، ەمتيحان كەزىندە جانە ەمتيحان اياقتالعان سوڭ قايتالانادى.
تەوريالىق ەمتيحان تاپسىرۋعا ارنالعان سىنىپتار سيگنالداردا باسۋعا ارنالعان ارنايى جابدىقتار، بەينەباقىلاۋ كامەرالارى مەن ەمتيحاننىڭ تازا وتكەنىن قامتاماسىز ەتەتىن قۇرالدارمەن جابدىقتالۋعا ءتيىس.
"تەوريالىق ەمتيحان وتكىزگەندە كانديدات ماتەريالدار الماسىپ، تەوريالىق ەمتيحان تاپسىرۋ زالىنان شىعىپ، قاعاز، ەلەكتروندىق تاسىمالداعىشتارداعى اقپاراتتى جانە قابىلداۋشى-بەرۋشى ەلەكتروندىق قۇرىلعىلاردى پايدالانسا، ەمتيحان قابىلدانبايدى. ەمتيحانداردى قابىلداۋ جانە جۇرگىزۋشى كۋالىكتەرىن بەرۋ قاعيدالارىن بۇزۋ تۋرالى اكت جاسالىپ، كانديداتقا "تاپسىرعان جوق" دەگەن باعا قويىلادى. تەوريالىق ەمتيحاندى قايتا تاپسىرۋعا ۇمىتكەر كەمى ءۇش ايدان كەيىن عانا جىبەرىلەدى"، – دەلىنگەن ءىىم جاريالاعان بۇيرىقتا.
پىكىر قالدىرۋ