قاراعاندى وبلىسىنداعى بالالاردىڭ جاپپاي ۋلانۋىنا بايلانىستى تەرگەۋ باستالدى. بۇل تۋرالى ق ر باس پروكۋراتۋراسىنىڭ باسپا ءسوز قىزمەتى حابارلادى.
"31.07.2023 جىلى بالالاردىڭ تاماقتان ۋلانۋ فاكتىسى بويىنشا «قاراعاندى وبلىسىنىڭ بالالارعا ارناۋلى الەۋمەتتىك قىزمەتتەر كورسەتۋ ورتالىعى» كمم ق ر قك-نىڭ 304-بابىنىڭ 2-بولىگى (اۋىر زارداپتارعا اكەپ سوقتىرعان سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ) بويىنشا سوتقا دەيىنگى تەرگەۋ باستالدى.
قىلمىستىق ءىس قاراعاندى وبلىسى پروكۋراتۋراسىنىڭ ارنايى پروكۋرورلارىنىڭ باقىلاۋىنا قابىلداندى"، – دەلىنگەن حابارلامادا.
قۇقىق قورعاۋ جانە ارنايى ورگانداردىڭ تاجىريبەلى قىزمەتكەرلەرى جۇمىلدىرىلىپ، ۆەدومستۆوارالىق جەدەل-تەرگەۋ توبى قۇرىلدى.
ءتيىستى ساراپتامالار تاعايىندالدى.
تەرگەۋ شەڭبەرىندە جاۋاپتى لاۋازىمدى تۇلعالاردىڭ ىس-ارەكەتتەرىنە ءتيىستى قۇقىقتىق باعا بەرىلەتىن بولادى.
ەلىمىزدە جەتىم بالالارعا، اتا-اناسىنىڭ قامقورلىعىنسىز قالعان بالالارعا، سونداي-اق مۇمكىندىگى شەكتەۋلى بالالارعا ارناۋلى مەديسينالىق-الەۋمەتتىك قىزمەت كورسەتەتىن 84 مەكەمە بار.
