ۇكىمەت مەرەكەلىك كۇندەر تىزبەسىنىڭ جاڭالانعان ءتىزىمىن بەكىتتى، دەپ حابارلايدى Qamshy.kz اقپارات اگەنتتىگى. اتالعان تىزىمدە ەكس-پرەزيدەنت نۇرسۇلتان نازاربايەۆقا ارنالعان كۇن مەرەكە كۇندەرىنىڭ جاڭارتىلعان تىزىمىندە قالدى.
"قازاقستان رەسپۋبليكاسىنداعى مەرەكە كۇندەرىنىڭ تىزبەسىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى №689 قاۋلىسىنا مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكە كۇندەرىنىڭ تىزبەسى وسى قاۋلىعا قوسىمشاعا سايكەس جاڭا رەداكسيادا جازىلسىن"، - دەلىنگەن ۇكىمەت قاۋلىسىندا.
قاۋلى بويىنشا، جاڭا تىزىمدە 19 مەرەكە بار:
- كەڭەس اسكەرلەرىنىڭ شەكتەۋلى كونتينگەنتىنىڭ اۋعانستاننان شىعارىلعان كۇنى - 15 اقپان
- العىس ايتۋ كۇنى – 1 ناۋرىز
- انالار كۇنى - مامىردىڭ ەكىنشى جەكسەنبىسى
- ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى – 31 مامىر
- ق ر مەملەكەتتىك رامىزدەرى كۇنى – 4 ماۋسىم
- اكەلەر كۇنى - ماۋسىمنىڭ ءۇشىنشى جەكسەنبىسى
- ۇلتتىق دومبىرا كۇنى – شىلدەنىڭ ءبىرىنشى جەكسەنبىسى
- اباي كۇنى – 10 تامىز
- سپورت كۇنى - تامىز ايىنىڭ ءۇشىنشى جەكسەنبىسى
- سەمەي يادرولىق پوليگونىنىڭ جابىلعان كۇنى – 29 تامىز
- ءبىلىم كۇنى – 1 قىركۇيەك
- وتباسى كۇنى - قىركۇيەكتىڭ ەكىنشى جەكسەنبىسى
- 5 قىركۇيەك – قازاقستان حالقىنىڭ تىلدەرى كۇنى
- ەڭبەك كۇنى - قىركۇيەكتىڭ سوڭعى جەكسەنبىسى
- قارتتار كۇنى – 1 قازان
- نان كۇنى – 16 قازان
- ەنەرگيانى ۇنەمدەۋ كۇنى – 11 قاراشا
- ۇلتتىق ۆاليۋتا كۇنى – تەڭگە – 15 قاراشا
- ق ر تۇڭعىش پرەزيدەنتى كۇنى – 1 جەلتوقسان
ەستەرىڭىزگە سالا كەتەيىك، بۇعان دەيىن تۇڭعىش پرەزيدەنت كۇنى مەملەكەتتىك مەرەكەلەر تىزىمىندە بولعان، الايدا 2022 جىلى بۇل تىزىمنەن شىعارىلدى. مەملەكەتتىك مەرەكە رەتىندە تۇڭعىش پرەزيدەنت كۇنى 2012-2021 جىلدار ارالىعىندا 1 جەلتوقساندا اتالىپ ءوتىلدى.
پىكىر قالدىرۋ