سولتۇستىك قازاقستان وبلىسىندا كارىز تازالاماق بولعان شوشقا فەرماسىنىڭ ءتورت جۇمىسشىسى قازا تاپتى.
قايعىلى جاعداي تايىنشا اۋدانىندا ورنالاسقان EMC AGRO كومپانياسىندا بولعان.
وبلىس اكىمدىگىنىڭ باسپا ءسوز قىزمەتىنىڭ حابارلاۋىنشا، كومپانيانىڭ ءتورت قىزمەتكەرى اۋىسىم سوڭىندا 8 مەتر تەرەڭدىكتەگى كارىزدەن شىقپاي قالعان.
پوليسيانىڭ حابارلاۋىنشا، 1966، 1991، 1995 جانە 2000 جىلدارى تۋعان جۇمىسشىلار كارىز قۇدىعىن تازالاۋ كەزىندە يىستەن ۋلانعان.
ولاردىڭ ءمايىتى سوت-مەديسينالىق ساراپتاماعا جىبەرىلدى.
پىكىر قالدىرۋ