سامارا-شىمكەنت تاسجولىنىڭ قوبدا اۋدانى اۋماعىندا بولعان جول اپاتىنان سوڭ قاماۋعا الىنعان جۇرگىزۋشى سوت الدىندا جاۋاپ بەرەدى. قىلمىستىق ءىس سوتقا ءتۇستى. اقتوبە وبلىستىق سوتىنىڭ باسپا ءسوز قىزمەتىنىڭ حابارلاۋىنشا، 4 ءمۇعالىمنىڭ ولىمىنە اكەپ سوققان جول-كولىك اپاتىنا قاتىستى ءىس سوتقا ءتۇستى.

"قىلمىستىق كودەكستىڭ "كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى" بابى بويىنشا ايىپ تاعىلعان جۇرگىزۋشى ءقازىر قاماۋدا وتىر. سوت قوبدا اۋداندىق سوتىندا قارالادى. سوت الدى تىڭداۋ ۋاقىتى تاياۋ كۇندەرى بەلگىلى بولادى. ءىس سوتقا ءتۇستى"،- دەپ حابارلادى وبلىستىق سوتتىڭ باسپا ءسوز قىزمەتى.

ەگەر جۇرگىزۋشىنىڭ كىناسى دالەلدەنسە، ول 5 جىلدان 12 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.

ەسكە سالساق، 1-ماۋسىم كۇنى جەڭىل كولىك الدىندا كەلە جاتقان جۇك كولىگىنە سوقتىعىستى. اپات سالدارىنان «لادا لارگۋس» اۆتوكولىگىنىڭ ءۇش جولاۋشىسى وقيعا ورنىندا قايتىس بولدى. بىرەۋى اۋرۋحانادا كوز جۇمدى. كەيىن ولاردىڭ ورالدىق مۇعالىمدەر ەكەنى بەلگىلى بولدى. ءبارى اقتوبە قالاسىنا ديپلوم الۋ ءۇشىن جولعا شىققان. كەيىن قازا بولعان پەداگوگتاردىڭ قانداي قىزمەتتە بولعانى ايتىلدى. ولار: ورال قالاسىنداعى №47 مەكتەپتىڭ پەداگوگ-دەفەكتولوگى، بايتەرەك اۋدانى نوۆەنكيي مەكتەبىنىڭ دەفەكتولوگى، كازتالوۆ اۋدانى ك.مەڭدالييەۆ اتىنداعى مەكتەپتىڭ لوگوپەدى، ورال قالاسى پسيحولوگيالىق-پەداگوگيكالىق تۇزەۋ كابينەتىنىڭ سۋردوپەداگوگى.