تۇركياداعى جول اپاتىنان زارداپ شەككەن تاعى ءبىر قازاقستاندىقتىڭ قازا تاپقانى حابارلاندى. بۇعان دەيىن الانيادا قازاقستاندىق تۋريستەر مىنگەن اۆتوبۋس جۇك كولىگىنە سوعىلىپ، ءبىر قازاقستاندىقتىڭ دەنەسى ەلگە جەتكىزىلگەن بولاتىن.
كەشە تۇندە تۇركيالىق دارىگەرلەر تاعى ءبىر قازاقستان ازاماتىنىڭ الانيا مەملەكەتتىك ەمحاناسىندا قايتىس بولعانىن ايتقان.
"قازىرگى ۋاقىتتا قايتىس بولعان ازاماتىمىزدىڭ تۋىستارى ەمحانادا. ولارعا قاجەتتى كومەك كورسەتىلۋدە. قۇجاتتاردى رەسىمدەگەننەن كەيىن ونىڭ دەنەسى قازاقستانعا جىبەرىلەدى"، - دەپ حابارلادى سىرتقى ىستەر مينيسترلىگى.
پىكىر قالدىرۋ