قازاقستانداعى اپتاپ 42 جىل بۇرىنعى رەكوردتى جاڭارتتى، - دەپ حابارلايدى "قازگيدرومەت" رمك.

سينوپتيكتەردىڭ مالىمەتىنشە، شىلدە ايى قازاقستاننىڭ بارلىق اۋماعىندا ىستىق بولدى.

"ىستىقتىڭ شارىقتاۋ شەگى باتىس وبلىستاردا - ءبىرىنشى ونكۇندىكتىڭ اياعىندا، سولتۇستىكتە - ەكىنشى ونكۇندىكتىڭ باسىندا، شىعىستا، وڭتۇستىك-شىعىستا ايدىڭ ورتاسىندا بولدى. وسى ۋاقىت ىشىندە تەمپەراتۋرالىق رەكوردتار تىركەلدى"، - دەلىنگەن حابارلامادا.

سينوپتيكتەردىڭ بولجامىنشا، 8 شىلدەدە اتىراۋ مەتەوستانسياسىندا (م) اۋا تەمپەراتۋراسىنىڭ ەڭ جوعارى كورسەتكىشى 42،0 گرادۋس ىستىق بولسا، سوڭعى رەت 2011 جىلى 41،9 گرادۋس ىستىق بولعان.

10 شىلدەدە ورالدا اۋا تەمپەراتۋراسىنىڭ ەڭ جوعارى شەگى 42،0 گرادۋسقا دەيىن كوتەرىلدى. ەڭ جوعارى كورسەتكىش 2015 جىلى 26،6 گرادۋس تىركەلگەن.

11 شىلدەدە اقتوبەدە اۋانىڭ ماكسيمالدى تەمپەراتۋراسى 42،3 گرادۋس بولىپ، 2008 جىلعى بۇرىنعى رەكوردت 41،0 گرادۋس بولعان.

10-12 شىلدەدە قوستانايدا ءۇش كۇن قاتارىنان رەكوردتىق كورسەتكىش بايقالدى. اپتاپ 11 شىلدەدە 40،5 گرادۋس 2020 جىلعى بۇرىنعى رەكورد 37،0 گرادۋس بولعان.

پەتروپاۆلدا 10-13 شىلدەدە ءتورت كۇن قاتارىنان تەمپەراتۋرالىق رەكوردتار تىركەلدى. الايدا ەڭ جوعارى اۋا تەمپەراتۋراسى 12 شىلدەدە 40،0 گرادۋستى كورسەتتى. وسى ۋاقىتقا دەيىن مۇنداي جوعارى اۋا تەمپەراتۋراسى ءالى تىركەلمەگەن. مەتەورولوگيالىق باقىلاۋدىڭ تاريحىندا بۇل كۇنى سوڭعى رەت اۋا تەمپەراتۋراسىنىڭ ەڭ جوعارى دەڭگەيى 1993 جىلى 30،6 گرادۋس بولعان.

پاۆلوداردا 12 شىلدەدە كۇندىز اۋا 38،5 گرادۋس بولدى. 1981 جىلعى رەكوردتى 35،0 گرادۋس بولعان.

كوكشەتاۋدا 12 شىلدەدە اۋانىڭ ماكسيمالدى تەمپەراتۋراسى 39،2 گرادۋس بولىپ، مەتەورولوگيالىق باقىلاۋلاردىڭ تاريحىندا سوڭعى رەت اۋا تەمپەراتۋراسى 2013 جىلى 30،5 گرادۋس بولعان.

جەزقازعاندا ءۇش كۇن قاتارىنان 11-13 شىلدەدە اۋا تەمپەراتۋراسىنىڭ جوعارى فونى بايقالدى، اپتاپتىڭ شارىقتاۋ شەگى 13 شىلدەدە 44،0 گرادۋس تىركەلىپ، وسى كۇندەگى رەكوردتىق كورسەتكىشكە اينالدى. سوڭعى رەت اۋا تەمپەراتۋراسىنىڭ ەڭ جوعارىعى كورسەتكىشى 2015 جىلى 39،5 گرادۋس بولعان.

تارازدا 13 شىلدەدە اۋانىڭ ماكسيمالدى تەمپەراتۋراسى 42،1 گرادۋس بولدى. سوڭعى رەت اۋا تەمپەراتۋراسى 2016 جىلى 38،1 گرادۋس تىركەلدى.

وسكەمەندە 14 شىلدەدە اۋانىڭ ماكسيمالدى تەمپەراتۋراسى 39،9 گرادۋس بولىپ، 2013 جىلعى بۇرىنعى رەكوردتى 34،2 گرادۋسقا جاڭارتتى.

ريددەردە اۋانىڭ ەڭ جوعارى تەمپەراتۋراسى 36،5 گرادۋس بولىپ، 2015 جىلعى 30،9 گرادۋس رەكوردىن جاڭارتتى.

استانادا ەكى كۇن قاتارىنان 11-13 شىلدەدە اۋا تەمپەراتۋراسىنىڭ جوعارى فونى تىركەلدى، اپتاپتىڭ شارىقتاۋ شەگى 12 شىلدەدە 38،1 گرادۋس بولدى. ەڭ جوعارى اۋا تەمپەراتۋراسى 2013 جىلى 32،7 گرادۋس تىركەلگەن.