5G جەلىسى قازاقستاننىڭ قاي قالاسىندا بار؟

/image/2023/08/11/crop-29_6_1049x1865_32906550_0_0_3072_1728_1920x0_80_0_0_2f42d2d8ac49c4ae25e5900427b62d83.jpg.webp
ۇيالى بايلانىس وپەراتورلارى 5G جەلىسىنىڭ بازالىق ستانسيالارى ورناتىلعان قالالاردى اتادى، دەپ حابارلايدى Sputnik قازاقستان ءتىلشىسى.
 
"كسەلل" اق باسقارما ءتوراعاسى اسحات وزبەكوۆتىڭ ايتۋىنشا، بۇعان دەيىن 5G جەلىسىندە راديوجيىلىكتەردى ساتۋ بويىنشا اۋكسيون ءوتتى. سونىڭ ناتيجەسىندە ءاربىر كومپانيا ليسەنزيالىق مىندەتتەمە الدى.
 
"وسى مىندەتتەمەگە سايكەس، بەس جىلدىڭ ىشىندە 3 مىڭنان استام بازالىق ستانسيا ورناتىلۋى ءتيىس. بيىل ءبىز ءۇش رەسپۋبليكالىق ماڭىزى بار قالادا 5G جەلىسىن قۇرامىز. قازىرگى كەزدە 200-دەن استام بازالىق ستانسيا الماتى، استانا، شىمكەنت، تۇركىستان جانە تاعى باسقا 10 قالادا قۇرىلعان"، - دەدى وزبەكوۆ ورتالىق كوممۋنيكاسيالار قىزمەتىندە وتكەن بريفينگتە.
 
ال "موبايل تەلەكوم-سەرۆيس (Tele2/Altel)" جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى سەرگەي كونكوۆ 5G بارلىق وبلىس ورتالىعىندا بولاتىنىن مالىمدەدى.
 
"بۇگىندە بىزدە 5Gء-دى قولدانا الاتىن بارلىق ابونەنتتىڭ سانى شامامەن 15 پروسەنتتى قۇراپ وتىر. ولاردا وسى جەلىنى ۇستاي الاتىن ۇيالى تەلەفون بار. وسى كورسەتكىش اي سايىن ءوسىپ جاتىر. ءبىز ول ادامداردىڭ قايدا جۇرگەنىن جانە قاي جەردە كوپ ۋاقىت وتكىزەتىنىن كورىپ وتىرامىز. سوعان قاراي بازالىق ستانسيالاردى دا ورناتامىز. ءقازىردىڭ وزىندە 5G بار، جەلىنىڭ اياسى كەڭەيىپ كەلەدى"، - دەپ اتاپ كورسەتتى كونكوۆ.
 
ەكى كومپانيا 5G قولجەتىمدى ەكەنىن ايتىپ وتىر. جەلى قاي جەردە قوسىلعانىن كسەلل مەن Tele2ء-نىڭ رەسمي سايتتارىندا جاريالانعان كارتادان كورۋگە بولادى.
 
ايتا كەتەرى، بۇعان دەيىن باسەكەلەستىكتى قورعاۋ جانە دامىتۋ اگەنتتىگى 2022 جىلدىڭ سوڭىندا 5G جەلىسىندە راديوجيىلىكتەردى ءبولۋ بويىنشا وتكىزىلگەن اۋكسيونداردىڭ قورىتىندىسى نارىقتىڭ مونوپوليالىق قۇرىلىمىن كۇشەيتكەنىن حابارلادى. سول كەزدە "قازاقتەلەكوم" توبى جەڭىمپاز دەپ تانىلىپ، 5G جەلىسىندە قىزمەت كورسەتۋ بويىنشا 100% مونوپوليانى الدى. وعان كسەلل مەن Tele2 كىرەدى.
قاتىستى تەگتەر :

پىكىر قالدىرۋ

قاتىستى ماقالالار