اقپارات جانە قوعامدىق دامۋ مينيسترلىگى وقيعا بولعان ساتتەن ىشكى ىستەر ورگاندارىنا حابارلاسىپ، ماسەلەنىڭ ءمان-جايىن باقىلاۋعا العانىن حابارلادى. بۇل تۋرالى مينيسترلىكتىڭ باسپا ءسوز حاتشىسى نۇربەك اميشا Facebook پاراقشاسىندا پىكىر ءبىلدىردى.
"جۋرناليست ساندۋعاش دۇيسەنوۆانىڭ ۇستالعانى راستالدى. جەتىسۋ وبلىستىق پوليسيا دەپارتامەنتىنىڭ مالىمەتىنشە، ساندۋعاش تالدىقورعاندا جەكە ءومىر مالىمەتتەرىن تاراتۋ تۋرالى ارىز بويىنشا ۇستالىپ، ەشقايدا كەتپەۋ جانە ءتيىستى مىنەز-قۇلىق تۋرالى قولحاتپەن شىعارىلعان. قازىرگى تاڭدا تەرگەۋ جۇمىستارى جۇرگىزىلىپ جاتىر. مينيسترلىك ماسەلەنى نازاردا ۇستايدى جانە جۋرناليسكە قانداي دا قۇقىقتىق كومەك كورسەتۋگە دايىن"، - دەپ جازدى.
ەسكە سالايىق، قوعام بەلسەندىسى 11 تامىز كۇنى ۇستالعان. وعان ق ر قىلمىستىق كودەكستىڭ 147-بابى 5-بولىگى بويىنشا ايىپ تاعىلدى.
پىكىر قالدىرۋ