ۇلىتاۋ اۋدانىندا "قازاقمىستىڭ" جۇزدەگەن جۇمىسشىسى نارازىلىققا شىققان. ولار كەن ورنى باسشىلىعىنا 15 تالاپ قويعان.

13 تامىزدا تۇنگى اۋىسىمعا شىققان ساتبايەۆ قالاسىنداعى №65 شاحتانىڭ قىزمەتكەرلەرى جۇمىسىن توقتاتقان. ولاردىڭ ايتۋىنشا، نارازىلىق اكسياسىنا كورپوراسيانىڭ باسقا فيليالدارىنىڭ قىزمەتكەرلەرى دە قوسىلدى.

شاحتەرلەردىڭ تومەندەگىدەي تالاپ قويعان:

1) ەڭبەك جاعدايىن جاقسارتۋ؛
2) مۇگەدەكتىك پايىزىن 29-دان 50 پايىزعا دەيىن ارتتىرۋ؛
3) جاقىندا كاسىپورىندا قايتىس بولعان جۇمىسشى ە. ەربوسىنوۆتىڭ ۇلىن جۇمىسقا الۋ؛
4) دەمالىس كۇندەرىن 48 كۇننەن 54 كۇنگە دەيىن سوزۋ؛
5) جۇمىسشىلاردىڭ ءبىر جارىم جىل ەڭبەك ءوتىلىن ەسەپكە الۋ؛
6) ەسكى تاۋ-كەن جابدىقتارىن كونديسيونەرى بار جاڭا قوندىرعىلارعا اۋىستىرۋ؛
7) شاحتالارعا جۇمىسشىلار قابىلداۋ؛
8) جۇمىسشى جەتىسپەۋشىلىگىن ءتۇسىندىرۋ.

سونىمەن قاتار، نارازىلىق بىلدىرۋشىلەر مەديسينالىق ساقتاندىرۋ شارتتارىن قايتا قاراۋدى، شاحتەرلار كۇنىنە وراي 100 مىڭ تەڭگە كولەمىندە سىياقى تولەۋدى سۇراعان.

ءقازىر كەنشىلەرمەن كەلىسسوزدەر جۇرگىزىلىپ جاتىر. ءىس بويىنشا وڭىرلىك جەدەل شتاب قۇرىلعان.