اقمولا وبلىسىندا جالپى اۋدانى 264 گا بولاتىن، سپورتتىق ماقساتتار ءۇشىن ۇزاق مەرزىمگە  پايدالانۋعا بەرىلگەن ورمان قورىنىڭ ۋچاسكەسى مەملەكەت مەنشىگىنە قايتارىلدى.

وبلىستىق پروكۋراتۋرانىڭ حابارلاۋىنشا، ۋچاسكە 2018 جىلدان باستاپ كوزدەلگەن ماقساتتا پايدالانباعان، جالداۋ اقىسى تولەنبەگەن.

سونىمەن قاتار، ورمان ورتتەرى ءقاۋپىنىڭ جوعارى دارەجەسىنە قاراماستان، ولاردىڭ الدىن الۋ بويىنشا ءىس-شارالار جۇرگىزبەي، ورتكە قارسى جوسپارلار ازىرلەمەگەن.

"جوعارىدا اتالعان ءمان-جايلار اۋدان پروكۋراتۋراسىنىڭ اكتىسى بويىنشا ۋاكىلەتتى ورگانمەن سوتقا جۇگىنۋگە نەگىز بولدى. اقمولا وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن ۇزاق مەرزىمدى ورمان پايدالانۋ شارتى بۇزىلىپ، جالپى قۇنى 1،6 ملرد. تەڭگە بولاتىن ۋچاسكە مەملەكەت مەنشىگىنە قايتارىلدى"، – دەلىنگەن حابارلامادا.