بىلتىر تامىزدا جامبىل وبلىسىنداعى "ءشولدالا" شەكارا بەكەتىندە مەرزىمدى اسكەري قىزمەتكەر قايتىس بولعاننان كەيىن 5 اسكەري قىزمەتشى جۇمىستان شىعارىلعان، - دەپ حابارلايدى Tengrinews.kz ءتىلشىسى.
بۇل تۋرالى ۇقك شق تاربيە، يدەولوگيالىق جانە كادر جۇمىسى دەپارتامەنتى باستىعىنىڭ ورىنباسارى – كادر باسقارماسىنىڭ باستىعى پولكوۆنيك ەرىك بەرىكوۆ مالىمدەدى.
"وبلىستىق دەپارتامەنتتىڭ باستىعى، شەكارا باسقارماسىنىڭ باسشىسى، زاستاۆانىڭ باستىعى جانە تاربيە جۇمىسى جونىندەگى ورىنباسارلارى لاۋازىمىنان الىندى"، - دەدى ەرىك بەرىكوۆ وكق بريفينگىندە.
ەستەرىڭىزگە سالا كەتەيىك، جامبىل وبلىسىندا اسكەري بورىشىن وتەپ جاتقان 18 جاستاعى مەرزىمدى سارباز 2022 جىلدىڭ تامىزىندا وز-وزىنە قول جۇمسادى. تەرگەۋ كەزىندە وز-وزىنە قول جۇمساۋدىڭ سەبەپتەرىنىڭ ءبىرى رەتىندە ساربازعا جىنىستىق زورلىق-زومبىلىق كورسەتىلگەنى قاراستىرىلدى. 2023 جىلدىڭ قاڭتارىندا كۇدىكتىنىڭ ادۆوكاتى سەرجان پرالييەۆ باسپا ءسوز ءماسليحاتىن وتكىزىپ، وندا جۇرگىزىلگەن بيولوگيالىق ساراپتامانىڭ ناتيجەلەرى تۋرالى ايتتى.
باس پروكۋراتۋرانىڭ اقپان ايىنداعى مالىمەتىنشە، سولداتتىڭ وز-وزىنە قول جۇمساۋ سەبەبى، فورپوستتا بىرگە قىزمەت ەتكەن اسكەري قىزمەتكەردىڭ بيلىكتى اسىرا قولدانۋى. ول پسيحولوگيالىق تۇرعىدان جۇيەلى تۇردە ميراش ب-نى، سونداي-اق باسقا اسكەري قىزمەتكەرلەردى ۇرىپ، قورلاعان دەپ كورسەتىلگەن ءىس ماتەريالىندا.
پىكىر قالدىرۋ