باتىس قازاقستان وبلىسىندا شەكاراشىلار مەملەكەتتىك شەكارانى زاڭسىز كەسىپ وتپەك بولعان 9 شەتەلدىكتى ۇستادى، دەپ حابارلايدى ۇقك باسپا ءسوز قىزمەتى.
وقيعا 11 تامىزدا بولعان. شەتەلدىكتەر وتكىزۋ بەكەتتەرىنە بارماي، شەكارانى زاڭسىز كەسىپ وتۋگە تىرىسقان.
الدىن الا مالىمەت بويىنشا ولار ەۋرووداق ەلدەرىنە باعىت العان.
بقو ءبورلى اۋدانى سوتىمەن اكىمشىلىك قۇقىقبۇزۋشىلىق تۋرالى كودەكستىڭ 514-بابى 2-بولىمىنە سايكەس ۇستالعاندار جاۋاپقا تارتىلدى.
ۇقك اقپاراتىنشا، جىل باسىنان بەرى باتىس قازاقستان وبلىسىنىڭ اۋماعىندا مەملەكەتتىك شەكارانى كەسىپ ءوتۋ ءتارتىبىن بۇزعان 110 شەتەلدىك ۇستالدى.
پىكىر قالدىرۋ