الماتى قالالىق ءماسليحاتىنىڭ ەكس-دەپۋتاتى قايرات قۇدايبەرگەندى قاماۋدا ۇستاۋ مەرزىمى 21 قىركۇيەككە دەيىن ۇزارتىلدى. بۇل تۋرالى الماتى قالاسى سوتىنىڭ باسپا ءسوز قىزمەتى حابارلادى.
"الماتى قالاسى مامانداندىرىلعان اۋدانارالىق تەرگەۋ سوتى تەرگەۋ ورگاندارىنىڭ قايرات قۇدايبەرگەندى قاماۋدا ۇستاۋ مەرزىمىن ۇزارتۋىن سانكسيالاۋ تۋرالى ءوتىنىشتى قاناعاتتاندىردى. وسىلايشا، قايرات قۇدايبەرگەن 2023 جىلدىڭ 21 قىركۇيەگىنە دەيىن قاماۋدا بولادى"، - دەلىنگەن رەسمي حابارلامادا.
ەسكە سالايىق، 2022 جىلدىڭ ساۋىرىندە الماتى قالالىق ءماسليحات دەپۋتاتى، كاسىپكەر قايرات قۇدايبەرگەن ۇستالىپ، پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالعان بولاتىن.
كاسىپكەر قاڭتار وقيعاسى كەزىندە جاپپاي تارتىپسىزدىك ۇيىمداستىردى دەپ ايىپتالعان ەدى.
پىكىر قالدىرۋ