تۇركىستان وبلىسىندا سىردارياعا باتىپ كەتكەن 10-شى ادامنىڭ دەنەسى تابىلدى. بۇل تۋرالى توتەنشە جاعدايلار مينيسترلىگى حابارلادى. 

تجم مالىمەتىنشە، قۇتقارۋشىلار بۇگىن ساعات 10:40 شاماسىندا كامەلەتكە تولماعان ءجاسوسپىرىمنىڭ دەنەسىن سۋدان الىپ شىققان. ەندى سۋعا باتىپ كەتكەن تاعى ءبىر ءجاسوسپىرىمنىڭ دەنەسى ىزدەستىرىلىپ جاتىر. 

ىزدەستىرۋ شارالارىنا 150 بريگادا، 16 تەحنيكا، 6 ءجۇزۋ قۇرالى جۇمىلدىرىلعان.

ەسكە سالا كەتەيىك، 21 تامىزدا وتىرار اۋدانىندا ءبىر اۋلەتتەن شىققان 11 ادام سىرداريا وزەنىنەن باتىپ كەتتى. بۇگىندە سۋعان باتقان 11 ادامنىڭ 10-ى تابىلدى. كەشە 9-شى ادامنىڭ جانازاسى شىعارىلدى.

بۇدان بۇرىن تجم تۇركىستان وبلىسىندا سۋعا كەتكەندەردىڭ جاسى تۋرالى مالىمەت بەرگەن بولاتىن:

1. 1983 جىلى تۋعان ايەل

2. 2006 جىلى تۋعان قىز بالا

3. 2004 جىلى تۋعان بويجەتكەن

4. 2019 جىلى تۋعان قىز بالا

5. 2015 جىلى تۋعان قىز بالا

6. 2017 جىلى تۋعان قىز بالا

7. 2006 جىلى تۋعان ۇل بالا

8. 2009 جىلى تۋعان ۇل بالا

9. 1998 جىلى تۋعان ايەل.

تابىلماعان:

10. 2011 جىلى تۋعان ۇل بالا

11. 2013 جىلى تۋعان قىز بالا.