سينوپتيكتەر 24-26 تامىز كۇندەرى قازاقستاندا اۋا رايى قانداي بولاتىنى تۋرالى بولجام جاسادى.

مەتەورولوگتار مالىمەتىنشە، الداعى ءۇش كۇندە رەسپۋبليكانىڭ باسىم بولىگىندە تۇراقسىز اۋا رايى ساقتالادى، نايزاعاي ويناپ، ەكپىندى جەل سوعادى، بۇرشاق جاۋۋى مۇمكىن. رەسپۋبليكانىڭ باتىسىندا، سولتۇستىك-باتىسىندا، سولتۇستىگىندە جانە شىعىسىندا قاتتى جاڭبىر جاۋىپ، اۋا تەمپەراتۋراسى بىرتىندەپ تومەندەيدى.

"اۋا تەمپەراتۋراسى رەسپۋبليكانىڭ سولتۇستىك وبلىستارىندا - تۇندە سولتۇستىكتە اۋا تەمپەراتۋراسى 7-12 گرادۋسقا دەيىن، كۇندىز 17-22 گرادۋسقا دەيىن تومەندەيدى. تەك قازاقستاننىڭ وڭتۇستىگى مەن وڭتۇستىك-شىعىسىندا تەمپەراتۋرالىق فون ايتارلىقتاي وزگەرمەيدى، اۋا رايى نەگىزىنەن جاۋىن-شاشىنسىز بولادى"، - دەلىنگەن حابارلامادا.