الماتى وبلىسىندا "ALTYN ORDA NEW COMPANY" جشس-دە حرونومەتراجدىق زەرتتەۋ جۇرگىزىلدى.
مەملەكەتتىك كىرىستەر كوميتەتىنىڭ مالىمەتىنشە، كومپانيادا باقىلاۋ-كاسسا ماشينالارىن قولدانباي اقشالاي ەسەپ ايىرىسۋمەن اينالاسقان نۇكتەلەر انىقتالدى (بازارعا كىرۋ جانە بۋحگالتەريا). تەكسەرۋ ناتيجەسىندن قوسىمشا 4 باقىلاۋ-كاسسا ماشيناسى تىركەلدى.
جۇرگىزىلگەن تەكسەرىس ناتيجەسىندە بيۋدجەتكە ءوسىمپۇلدى ەسەپتەمەگەننىڭ وزىندە 170 ملنعا جۋىق قاراجات تۇسكەن.
"بۇگىنگى تاڭدا "التىن وردا" ساۋدا بازارىندا ءتۇسىندىرۋ جۇمىستارىنىڭ ناتيجەلەرىمەن جەكە كاسىپكەرلەر رەتىندە 742 سالىق تولەۋشى جانە وسىنشا باقىلاۋ-كاسسا ماشينالارى ەرىكتى تۇردە تىركەلدى. ودان بولەك، الماتى وبلىسى بويىنشا پوليسيا دەپارتامەنتىنىڭ قىزمەتكەرلەرىمەن بىرلەسىپ، "التىن وردا" بازارىندا كاسىپكەرلىك قىزمەتتى سالىق ورگاندارىندا تىركەۋسىز جۇزەگە اسىراتىن تۇلعالاردى انىقتاۋ بويىنشا تەكسەرۋ جۇرگىزىلدى. رەيد بارىسىندا 12 جەكە تۇلعا انىقتالدى. ماتەريالدارى سوتقا جولداندى"، – دەلىنگەن حابارلامادا.
بۇدان باسقا، مەملەكەتتىك كىرىستەر ورگاندارىنىڭ قىزمەتكەرلەرى 3 سالىق تولەۋشىنى اكىمشىلىك جاۋاپكەرشىلىككە تارتتى:
- 1 سالىق تولەۋشى كاسىپكەرلىك قىزمەتپەن اينالىسا وتىرىپ، ءتيىستى تىركەۋسىز، رۇقساتسىز نەمەسە حابارلاما جىبەرۋسىز ارەكەتتەر جاساعانى ءۇشىن؛
- تاۋاردىڭ باعاسىن تومەندەتىپ كورسەتىپ، اتالعان تاۋاردى "التىن وردا" بازارىنىڭ اۋماعىندا وتكىزگەن 2 تۇلعا اكىمشىلىك جاۋاپكەرشىلىككە تارتىلدى.
پىكىر قالدىرۋ