قازاقستانعا اتوم ەلەكتر ستانسياسى سالىنادى دەگەن اقپارات شىققالى قوعامدىق پىكىر قاق جارىلدى. بيلىك پەن ەنەرگەتيكا ماماندارى جاقىن كەلەشەكتە قازاقستاندا ەلەكتر ەنەرگياسىنىڭ تاپشىلىعى قاتتى سەزىلەتىنىن ايتىپ، اەس اسا قاجەت دەسە، كەي ازاماتتىق جانە ەكولوگيالىق بەلسەندىلەر باستاماعا قارسى.
بۇگىن اەس سالىناتىن جەر رەتىندە بەلگىلەنگەن الماتى وبلىسى ۇلكەن اۋىلىندا جەرگىلىكتى حالىقتىڭ قاتىسۋىمەن قوعامدىق تىڭداۋ ءوتتى. جيىن بارىسىندا ناقتى شەشىم قابىلدانبادى.
ەنەرگەتيكا مينيسترلىگى بولسا، جەرگىلىكتى حالىق قوعامدىق تىڭداۋدا اەس سالۋدى قولداعانىن حابارلادى.
قازاقستانعا اەس سالۋ ماسەلەسىندە رەسەي اسا بەلسەندى. 2019 جىلى رەسەي پرەزيدەنتى ۆلاديمير پۋتين قازاقستان پرەزيدەنتى توقايەۆپەن كەزدەسۋدە قازاقستاندا "رەسەيلىك تەحنولوگيا" بويىنشا اەس سالۋ تۋرالى ۇسىنىس ايتقان. ءبىراق قوعامدا اەس-تى كرەملدىڭ سالۋىنا قارسىلاردىڭ قاراسى از ەمەس.
وسىعان وراي وقىرمان پىكىرىن بىلگەندى ءجون كوردىك: قازاقستانعا اەس كەرەك پە؟
پىكىر قالدىرۋ