قازاق-قىرعىز شەكاراسىندا 20-تامىزدان بەرى قىرعىزستاننان كەلەتىن جۇك كولىكتەرى تۇرىپ قالعان. جۇرگىزۋشىلەردىڭ ايتۋىنشا، ءبىر تاۋلىكتە شەكارادان نەبارى 12 كولىك وتكەن.
قىرعىز تاراپىنان ەشقانداي كەدەرگى جوق ەكەنى حابارلاندى.
"كەڭ-بۇلىن-اۆتوجولدارى" جانە "اق-تىلەك" وتكىزۋ پۋنكتتەرىندە بىرنەشە كۇننەن بەرى جۇك كولىكتەرى قاڭتارىلىپ تۇر. ءقازىر وندا 500-دەن استام جۇك كولىگى جينالىپ قالعان. كۇنىنە بىرنەشە جۇك كولىگى عانا وتكىزىلەدى. جۇرگىزۋشىلەردىڭ ايتۋىنشا، ق ر تاراپىنان كەدەن رەسەيدىڭ، بەلارۋستىڭ، ءتىپتى قازاقستاننىڭ جۇك كولىكتەرىن وتكىزبەيدى.
جۇرگىزۋشىلەر جۇك كولىكتەرىنىڭ قازاقستانعا كىرگىزىلمەۋ سەبەبىنە قاتىستى ءتۇرلى نۇسقا ايتادى. ولاردىڭ ءبىرى بويىنشا، بۇل قىرعىزستاننىڭ قازاقستانعا سۋارمالى سۋ جەتكىزۋدى توقتاتۋىنا بايلانىستى. ەكىنشى نۇسقا بويىنشا، قازاقستاندىق شەكاراشىلار ەسىرتكى تيەلگەن وزبەكستاندىق جۇك كولىگىن ىزدەپ جاتىر دەگەن بولجام بار.
پىكىر قالدىرۋ