پوليسيا تىركەلمەگەن "دەمپارتيانىڭ" بەلسەندىلەرى ارۋجان دۇيسەبايەۆا مەن مەيىرحان جولايەۆتى قاماۋعا العان.
"بۇگىن دوسايەۆ ناۋرىزباي اۋدانى تۇرعىندارىمەن كەزدەسەدى ەكەن. سول كەزلەسۋدىڭ الدىندا ارۋجان مەن مەيىرحاندى ەش سەبەپسىز پوليسيا ۇستاپ الىپ كەتتى.ارۋجانعا قاتىستى كۇش قولدانعان"، دەپ جازدى پارتيا بەلسەندىسى ينگا يمانباي.
ارۋجان دۇيسەبايەۆا پوليسيادان شىققان سوڭ وقيعانىڭ ءمان-جايىن ءتۇسىندىردى.
"ەربولات دوسايەۆتىڭ كەزەكتى كەزدەسۋىنە بارىپ ناۋرىزباي اۋدانىنداعى ءبىرقاتار ماسەلەلەرى تۋرالى ايتۋ ءۇشىن بارعانمىن. الايدا مەنى كەزدەسۋگە قاتىستىرماي، پوليسيا بولىمشەسىنە الىپ كەتپەكشى بولدى. بولىمشەگە بارمايتىنىمدى ايتىپ، 5-6 مينۋتتاي قارسىلىق تانىتتىم. 10-عا جۋىق پوليسەي جابىلىپ، كولىككە سالىپ الىپ كەتتى. باسىم مەن قولىمنان جاراقات الدىم. بۇل بارىپ تۇرعان باسسىزدىق. مۇنى الماتى قالاسىنىڭ اكىمى دوسايەۆتىڭ تىكەلەي تاپسىرماسىمەن جاسالدى دەپ بىلەمىن"، دەيدى ارۋجان دۇيسەبايەۆا.
پىكىر قالدىرۋ