سپيكەردىڭ مالىمەتىنشە، 2021 جىلى شەشىم شىعارۋمەن اياقتالعان 767 ءىستىڭ جارتىسى تالاپ قويۋدى قاناعاتتاندىرۋ جايلى، اتاپ ايتقاندا 354 نەمەسە 46%.
2022 جىلى شەشىم شىعارۋمەن اياقتالعان 1939 ءىستىڭ جارتىسى تالاپ قويۋدى قاناعاتتاندىرۋ جايلى (996 نەمەسە 51%). اعىمداعى جىلدىڭ 6 ايىندا شەشىم شىعارۋمەن اياقتالعان 701 ءىستىڭ جارتىسى تالاپ قويۋدى قاناعاتتاندىرۋ جايلى (49،5%).
 
سونىمەن قاتار ول، 30 تامىز 1995 جىلى رەسپۋبليكالىق رەفەرەندۋمدا قابىلدانعان كونستيتۋسياعا 7 رەت وزگەرىستەر ەنگىزىلگەنىن ەسكە سالدى. بۇل رەتتە، 2023 جىلعى 5 ماۋسىمداعى رەسپۋبليكالىق رەفەرەندۋمدا قابىلدانعان كونستيتۋسياعا ەلەۋلى وزگەرىستەردىڭ ءبىرى كونستيتۋسيالىق سوت قۇرۋ بولىپ تابىلادى. مۇنداي ورگان 1992 جىلدان 1995 جىلعا دەيىن جۇمىس ىستەدى، دەپ اتاپ ءوتتى سپيكەر.

“قازاقستان رەسپۋبليكاسى كونستيتۋسياسىنىڭ 72-بابىنىڭ 3-تارماعىندا ازاماتتاردىڭ وتىنىشتەرى بويىنشا كونستيتۋسيالىق سوت كونستيتۋسيادا بەكىتىلگەن ولاردىڭ قۇقىقتارى مەن بوستاندىقتارىن تىكەلەي قوزعايتىن قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن قازاقستان رەسپۋبليكاسىنىڭ كونستيتۋسياسىنا سايكەستىگىن قارايدى دەپ كوزدەلگەن. كونستيتۋسيالىق سوت ءتورايىمى ەلۆيرا اسيموۆانىڭ 2023 جىلعى 21 تامىزداعى “The Astana Times” باسىلىمىنداعى ماقالاسىندا كەلىپ تۇسكەن 4000 ءوتىنىشتىڭ تورتتەن ءبىرى قارالعانى ءجون ەكەنى ايتىلعان. سۋديالار 23ء-ى بويىنشا قاۋلى شىعاردى، 40-ى قارالۋدا”، - دەپ ءبولىستى ول.

كونستيتۋسيالىق سوتتىڭ قۇزىرەتىنە سايكەس سوت جىل سايىن پارلامەنتكە قازاقستان رەسپۋبليكاسىنداعى كونستيتۋسيالىق زاڭدىلىقتىڭ جاي-كۇيى تۋرالى جولداۋ جىبەرەدى. كونستيتۋسيانىڭ 4-بابىنىڭ 2-تارماعىندا كورسەتىلگەندەي، كونستيتۋسيا رەسپۋبليكانىڭ بۇكىل اۋماعىندا جوعارى زاڭدىق كۇشكە جانە تىكەلەي قولدانىسقا يە.

بريفينگ سوڭىندا سۋديالار الماتىلىقتاردى كونستيتۋسيا مەرەكەسىمەن قۇتتىقتادى.

«كونستيتۋسيا-ازاماتتاردىڭ قوعامدىق جانە رۋحاني كەلىسىمىن نىعايتاتىن جانە ەگەمەندىك پەن قۇقىقتىق مەملەكەتتىڭ كەپىلى بولىپ تابىلاتىن نەگىزگى زاڭ. بارلىق الماتىلىقتاردى مەرەكەمەن قۇتتىقتايمىز جانە سىزدەرگە اماندىق، باقىت جانە تابىس تىلەيمىز»، - دەپ تۇيىندەدى ر. ايناقۇلوۆا.