الماتىدا ءال-فارابي مەن فۋرمانوۆ كوشەلەرىنىڭ قيىلىسىندا ورنالاسقان "سانسەت" مەيرامحاناسىندا ساعات 00:30 شاماسىندا اتىس بولدى.
كۋاگەرلەردىڭ ايتۋىنشا، بەتپەردە تاققان 4 ادام عيمارات ىشىندە ماكاروۆ تاپانشاسىنان وق اتقان. ءبىر ادام قارنىنان، ال ەكىنشىسى اياعىنان جاراقات الدى. بۇل دەرەكتى الماتى قالاسى بوستاندىق اۋداندىق پوليسيا باسقارماسى تىركەپ، تەرگەپ جاتىر.
"قىلمىس ورنىنا قالالىق پوليسيا دەپارتامەنتىنىڭ باستىعى ارىستانعاني زاپپاروۆ باستاعان جەدەل-تەرگەۋ توبى باردى. قازىرگى تاڭدا اتالعان قىلمىستى اشۋعا باعىتتالعان كەشەندى جەدەل ءىس-شارالار جۇرگىزىلىپ جاتىر"، - دەپ جازدى ءىىم.
كۇدىكتىلەردىڭ ءبىرى قاماۋعا الىندى. قالعان قاتىسۋشىلار انىقتالىپ، ءتيىستى جاۋاپكەرشىلىككە تارتىلاتىن بولادى.
پىكىر قالدىرۋ