قازاقستاندا ەركەكتەردىڭ جالاقىسى ايەلدەرگە قاراعاندا 34%-عا كوپ. بۇل تۋرالى finprom.kz حابارلادى.
2022 جىلى ەركەكتەردىڭ ورتاشا ايلىعى 355،3 مىڭ تەڭگە بولسا، ايەلدەردىكى 265،8 مىڭ تەڭگە بولعان. جالاقىداعى ايىرماشىلىق دەڭگەيى — 33،7%.
كەي وڭىردە جالاقى الشاقتىعى بۇدان دا جوعارى. ماڭعىستاۋ وبلىسىندا ەرلەردىڭ جالاقىسى ايەلدەردەن 2 ەسەگە، اتىراۋدا – 86%-عا، ۇلىتاۋدا – 68%-عا ارتىق.
قازاقستان بويىنشا جەتىسۋ وبلىسىندا عانا ايەلدەردىڭ جالاقىسى ەرلەردەن كوبىرەك. ونىڭ وزىندە 3،1%-عا عانا. جالاقىداعى ەڭ از ايىرماشىلىق جامبىل (1،9%)، الماتى (2،5%) جانە سولتۇستىك قازاقستان (5،5%) وبلىستارىندا تىركەلگەن.
پىكىر قالدىرۋ