استانادا وتكەن ءداستۇرلى تامىز كونفەرەنسياسى – ەلوردالىق ۇستازداردىڭ باسىن قوسقان جيىن بارىسىندا وتكەن وقۋ جىلى قورىتىندىلانىپ، وقۋشىلاردى تاربيەلەۋ مەن وقىتۋداعى ۇستازداردى تولعاندىرىپ جۇرگەن وزەكتى ماسەلەلەر، ايماقتاعى ءبىلىم بەرۋ جۇيە­ءسىن جەتىلدىرۋدەگى نەگىزگى ماقسات-مىندەتتەر ايقىندالىپ، جالپى رەسپۋبليكادا ءبىلىم سالاسىنا ەنگىزىلىپ جاتقان جاڭالىقتار تانىستىرىلدى.

تامىز كەڭەسىنە پەداگوگيكالىق ەڭبەك ارداگەرلەرى، ءماسليحات دەپۋتاتتارى، ءبىلىم بەرۋ ۇيىمدارىنىڭ پەداگوگتارى، اتا-انالار قوعامداستىعى، الەۋمەتتىك سەرىكتەستەر، ب ا ق وكىلدەرى جانە شاقىرىلعان قوناقتار (11000-نان استام ادام) قاتىستى. تامىز كەڭەسىنە الەۋمەتتىك جەلى ارقىلى وبلىستار، قالا مەكتەپتەرى، ورتا ارناۋلى وقۋ ورىندارى، مەكتەپكە دە­يىنگى ۇيىمدار، قالا تۇرعىندارى ونلاين رەجيمدە قاتىستى.

جيىنعا قاتىسۋشىلاردى استانا قالاسىنىڭ اكىمى جەڭىس قاسىمبەك جاڭا وقۋ جىلىنىڭ باستالۋىمەن قۇتتىقتاپ، «جايلى ينفراقۇرىلىمدى قالىپتاستىرۋ» تاقىرىبىنداعى ءبىرىڭعاي رەسپۋبليكالىق پلەنارلىق سەسسياسىن مودەراتور رەتىندە جۇرگىزىپ وتىردى.

– جاڭا وقۋ جىلىنىڭ باستالۋىنا ساناۋلى كۇندەر قالدى. بۇل – وقۋشىلار مەن اتا-انالار ءۇشىن دە، سول سەكىلدى ۇستازدار ءۇشىن دە ەرەكشە كەزەڭ. بۇگىن مۇعالىمدەردىڭ ءداستۇرلى تامىز كونفەرەنسياسىن وتكىزدىك. قالادا ءۇش اۋىسىمدى جانە شامادان تىس جۇكتەمەسى بار مەكتەپتەر ءالى دە جوق ەمەس. دەگەنمەن ءبىز بۇل ماسەلەنى شەشۋ ۇستىندەمىز. ەلوردادا 14 مەكتەپ سالىنىپ جاتىر، ونىڭ 11ء-ىن الداعى وقۋ جىلىندا تاپسىرامىز. ولاردىڭ 3-ەۋى 1 قىركۇيەك­تە ەسىگىن ايقارا اشادى. سونىمەن قاتار مەملەكەت باسشىسىنىڭ تاپسىر­ماسى بويىنشا جايلى مەكتەپتەردىڭ قۇرىلىسى قاتار باستالدى. وسى ۇلتتىق جوبا بويىنشا 2024-2025 جىلدارى 24 جايلى مەكتەپ سالىنادى. جاڭا ۇلگىدەگى ءبىلىم وشاقتارى ەكى اۋىسىمدا 90 مىڭعا جۋىق وقۋشى ورنىن قۇرۋعا مۇمكىندىك بەرەدى، – دەدى ج.قاسىمبەك.

– سول سياقتى ءبىزدىڭ ماقساتىمىز – كادرلار دايارلاۋ. جىل سايىن پەداگوگيكالىق ماماندىقتارعا گرانتتار بولەمىز، ۇستازدارىمىزدى بىلىكتىلىگىن ارتتىرۋعا جىبەرەمىز، پرەزيدەنت قولداۋىنىڭ ارقاسىندا پەداگوگتاردىڭ جالاقىسى ەداۋىر ارتتى جانە ت. ب. ءمۇعالىمنىڭ ەڭبەگىنە تولىق باعا بەرۋ مۇمكىن ەمەس. ولار بالالارىمىزعا ءبىلىم بەرىپ قانا قويماي، الەۋەتىن اشۋعا، ەرەكشە قاسيەتتەرىن انىقتاۋعا جانە باعىت-باعدار بەرۋگە كومەكتەسەدى. ۇستازدار قاۋىمىنا العىسىمدى بىلدىرەمىن جانە وقۋ جىلىنىڭ جەمىستى ءوتۋىن تىلەيمىن! – دەدى قالا اكىمى جەڭىس قاسىمبەك.