وزبەكستان رەسپۋبليكاسىندا ەكى نەمەسە ودان كوپ ايەلمەن بىرگە تۇراتىن ەر ادامداردى اكىمشىلىك جاۋاپكەرشىلىككە تارتاتىن زاڭ جوباسىن قابىلدادى. سونداي-اق، قوعامدىق ورىندا بەتتى تۇمشالاپ جۇرۋگە تىيىم سالاتىن زاڭعا وزگەرىس ەنگىزىلدى.
وزبەكستان جوعارعى پالاتاسىنىڭ پلەنارلىق وتىرىسىندا اكىمشىلىك جانە قىلمىستىق كودەكستىڭ زاڭ جوباسىنا وزگەرتۋلەر مەن تولىقتىرۋلار قابىلدانعان. بۇل تۋرالى وزبەكستان پارلامەنتىنىڭ باسپا ءسوز قىزمەتى حابارلادى.
"دەپۋتاتتار ەر مەن ايەل اراسىنداعى قۇقىقتىق تەڭدىككە كۇمان كەلتىرەتىن ارەكەتتى ايىپتايتىن زاڭ جوباسىن ماقۇلدادى. قۇجاتتا ەكى نەمەسە ودان كوپ ايەلمەن بىرگە تۇراتىن ەر ادامداردى اكىمشىلىك جاۋاپقا تارتۋ كوزدەلگەن" –دەلىنگەن حابارلامادا.
وزبەكستان دەپۋتاتتارى زاڭ جوباسىن ءبىراۋىزدان ماقۇلداعان. قازىرگى تاڭدا قۇجات جوباسى سەناتقا جىبەرىلدى.
پىكىر قالدىرۋ