مامىر ايىنىڭ سوڭىندا “ءۇشقوڭىر سۋ شارۋاشىلىعى كوللەدجى” مەملەكەتتىك كوممۋنالدىق قازىنالىق كاسىپورنىن مەملەكەتتىڭ مەنشىگىنە وتكىزۋ تۋرالى سوت وتىرىسى ءوتتى، دەپ حابارلايدى “پياتىي رەگيون”.

بيبىگۇل ۇزاقوۆا باسقاراتىن الماتى وبلىسىنىڭ قارجى باسقارماسى 2022 جىلدىڭ قىركۇيەك ايىنان باستاپ ەكس-پرەزيدەنتتىڭ اپكەسى ءانيپا ءابىش قىزى نازاربايەۆا يەلىك ەتەتىن “ءانيپا” جەكە كاسىپكەرلىگىن سوتقا بەردى. ءىس ماتەريالدارى بويىنشا كوللەدج كەيىننەن ساتىپ الۋ ارقىلى سەنىمگەرلىك باسقارۋعا وتكەن. سوت تالاپكەردىڭ ارىزىن قاناعاتتاندىرىپ، شارتتى بۇزۋ تۋرالى شەشىم قابىلدادى.

“الماتى وبلىسىنىڭ قارجى باسقارماسى” رەسپۋبليكالىق مەملەكەتتىك مەكەمەسى مەن “ءانيپا” جەكە كاسىپكەرى نازاربايەۆا ءانيپا ءابىش قىزىنىڭ اراسىندا جاسالعان “ءۇشقوڭىر سۋ شارۋاشىلىعى كوللەدجى” مەملەكەتتىك كوممۋنالدىق كاسىپورنىنىڭ 2016 جىلعى 7 شىلدەدەگى (ءنومىرى) 3 كوممۋنالدىق مۇلكىن كەيىننەن ساتىپ الۋ قۇقىعىمەن سەنىمگەرلىكپەن باسقارۋ شارتى بۇزىلسىن”، - دەلىنگەن ءىس ماتەريالىندا.

سونىمەن قاتار، سوت ءانيپا ءابىشقىزىنان 3450 تەڭگە مەملەكەتتىك باج سالىعىن ءوندىرۋ تۋرالى شەشىم قابىلدادى.