قوعام قايراتكەرى توعجان قوجالى مەكتەپتەگى ورىس ادەبيەتىنىڭ ورنىنا «الەم ادەبيەتىن» ەنگىزۋدى ۇسىندى. بۇل تۋرالى ءوزىنىڭ facebook پاراقشاسىندا جازدى. 

قىزىن ورىس سىنىبىنا بەرگەن دەپۋتات مەكتەپتىڭ مەملەكەتتىك باعدارلاماسىن قاراپ، نارازىلىعىن ءبىلدىردى. توعاجان قوجالىنىڭ ايتۋىنشا، 6 سىنىپ وقۋشىلارى جىلىنا 130 ساعاتىن ورىس ءتىلى مەن ادەبيەتىن وقۋعا ارنايدى. مەكتەپتەگى اعىلشىن تىلىنە 64 ساعات بولىنسە، قازاق ءتىلى مەن ادەبيەتىنە بار بولعانى 84 ساعات ارنالعان.

«ورىس ءتىلى مەن ادەبيەتىنە بولىنگەن ساعات قازاق ءتىلى مەن ادەبيەتىنە قاراعاندا 2 ەسەدەي كوپ. ءبىز قاي مەملەكەتتە تۇرامىز؟ قازاقستاندا ما الدە رەسەيدە مە؟ ورىس ادەبيەتى بىزگە نە ءۇشىن كەرەك؟ ءبىزدىڭ بالالارىمىزعا نە سەبەپتى تۋرگەنيەۆ پەن پۋشكين ابايدان ارتىق، مۇسىرەپوۆتەن ارتىق، چەحوۆ شاكارىمنەن ارتىق بولۋى كەرەك؟ نەگە؟! ءبىز نەگە بالالارىمىزعا ديككەنستى، مارك تۆەندى، شەكسپيردى وقىتپايمىز؟! ءبىلىم مينيسترىنە سۇراق: ءبىز كىمبىز؟ ءبىز كىمدى دايىنداپ جاتىرمىز؟ قايتادان سول رەسەيدىڭ "قۇلدارىن" دايىنداپ جاتىرمىز با؟ الدە قازاقستان ازاماتتارىن با؟»،– دەيدى توعجان قوجالى.

توعجان قوجالىنىڭ ايتۋىنشا، قىزى ءبىلىم الاتىن ورىس سىنىبىنداعى وقۋشىنىڭ 95%-ى قازاق.

"وقۋ باعدارلاماسىن وزگەرتۋ كەرەك. ورىس ادەبيەتى ءپانىنىڭ ورنىنا الەم ادەبيەتىن ەنگىزۋدى ۇسىنامىن"، دەيدى توعجان قوجالى.