ۇقك ءتوراعاسىنىڭ ورىنباسارى رۋسلان سەيسەمبايەۆ "شانحاي ىنتىماقتاستىق ۇيىمىنىڭ ايماقتىق تەرروريزمگە قارسى قۇرىلىمى" كەڭەسىنىڭ 40-وتىرىسىندا قوجا احمەت ياسساۋي كەسەنەسىندەگى جارىلىس پەن استاناداعى قارۋلى شابۋىل الدىن العانىن ايتتى دەپ حابارلايدى Zakon.kz.
رۋسلان سەيسەمبايەۆتىڭ ايتۋىنشا، قازاقستاندا لاڭكەستىك ارەكەتتىڭدىڭ ءقاۋپى ءالى دە سەيىلمەي تۇر.
"جىل سايىن كەم دەگەندە ەكى لاڭكەستىك ارەكەتتى ۇيىمداستىرۋشىلار ۇستالادى. مىسالعا، بيىلعى جىلدىڭ وزىندە تۇركىستانداعى قوجا احمەت ياسساۋي كەسەنەسىن جارىپ جىبەرۋدى جوسپارلاعان تەرورريستىك ۇيىمدى قولعا تۇسىردىك. سونداي-اق استانادا ادام كوپ جينالاتىن جەرلەردە قارۋلى شابۋىل جاساۋ ارەكەتى دەر كەزىندە انىقتالىپ، الدىن الۋ شارالارى جۇرگىزىلدى"، – دەدى ۇقك وكىلى.
ونىڭ ايتۋىنشا، مۇنداي وقيعالار شىۇ-عا مۇشە مەملەكەتتەرىندەگى تەررورلىق قاۋىپتەردىڭ سالدارىنان پايدا بولىپ وتىر. رۋسلان سەيسەمبايەۆ مىسال رەتىندە اۋعانستان بيلىگىنە كەلگەن "تاليبان" قوزعالىسىن تىلگە تيەك ەتتى.
"بۇل ەل – الەم بويىنشا لاڭكەستىك ۇيىمداردى تاراتاتىن باستى ورتالىق. 50-دەن استام تەررورلىق ارەكەتتەردىڭ ناتيجەسىندە 350-دەن استام ادام قازا تاۋىپ، 700-دان اسا جاراقات العاندار بار. ەڭ ۇلكەن ءقاۋىپ تۋدىرىپ وتىرعان – "حوراسان ۆيلاياتى" لاڭكەستىك ۇيىمى. ولاردىڭ سانى وسى ۋاقىت ارالىعىندا 500-دەن 6 مىڭعا جۋىق دايىندالعان لاڭكەستىك ارەكەتتەرگە دەيىن ءوستى"، – دەپ اتاپ ءوتتى رۋسلان سەيسەمبايەۆ.
