ايدار رىسقۇلوۆ "قازاقستان تەمىر جولى" ۇلتتىق كومپانياسىنىڭ ديرەكتورلار كەڭەسىنىڭ ءتوراعاسى بولىپ سايلاندى.
ءقازىر ايدار قايرات ۇلى "سامۇرىق-قازىنا" اق باسقارما مۇشەسى، ەكونوميكا جانە قارجى جونىندەگى باسقارۋشى ديرەكتورى. وسىدان ءتورت جىل بۇرىن ول "سامۇرىق-ەنەرگو" اق باسقارما مۇشەسى، ەكونوميكا جانە قارجى جونىندەگى باسقارۋشى ديرەكتورى بولعان.
ايدار رىسقۇلوۆ بوكەتوۆ اتىنداعى ءقارمۋ-دى بىتىرگەن، سونداي-اق نازاربايەۆ ۋنيۆەرسيتەتىنىڭ مۆا ماگيسترى دارەجەسىنە يە. ءار جىلدارى "قازاقستان تەمىر جولى "ۇك" اق، اتف بانكىندە، سەنتركرەديت بانكىندە، حالىق بانكىندە، "قازاگرو "ۇبح" اق، "سامۇرىق-قازىنا" اق-دا جۇمىس ىستەگەن. قوردا جەتى جىل بويى رىسقۇلوۆ قارجىلىق اكتيۆتەردى باسقارۋ جونىندەگى ديرەكتور، سونداي-اق كورپوراتيۆتىك قارجى دەپارتامەنتىنىڭ ديرەكتورى بولدى.
پىكىر قالدىرۋ