ماروككوداعى جەر سىلكىنىسىنەن قازاقستان ازاماتتارى زارداپ شەككەن جوق. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى. ونىڭ ايتۋىنشا، ماروككودا قازاقستان ەلشىلىگى بار.
"ەلشىلىك جانە باسقا دا قازاقستاندىقتارمەن قوسا العاندا وتىزدان استام قازاقستان ازاماتى تۇرادى. بارلىعى امان-ەسەن، ەشكىم زارداپ شەككەن جوق. بارىمەن بايلانىستامىز. باسقا زارداپ شەككەندەر مەن قايتىس بولعاندار اراسىندا قازاقستان ازاماتى جوق"، -دەدى سمادياروۆ سىرتقى ىستەر مينيسترلىگىندە وتكەن اپتا سايىنعى بريفينگتە.
ەستەرىڭىزگە سالا كەتەيىك، ماروككودا 8 قىركۇيەكتە كۇنى ماگنيتۋداسى 6.9 ءزىلزالا بولدى. تابيعي اپاتى سالدارىنان كوپتەگەن عيمارات قيراپ، ۇيىندىگە اينالدى. كەيبىر وڭىرلەردە جارىق ءوشىپ، سۋمەن قامتۋ جۇيەسى ءىشىنارا بۇزىلدى.
سوڭعى اقپارات بويىنشا جەر سىلكىسىنەن قازا تاپقاندار سانى ءۇش مىڭعا جۋىقتاعان.
پىكىر قالدىرۋ