قازاقستاندا "كامىزياكي" كۆن كومانداسىنىڭ كونسەرتى وتپەۋى مۇمكىن. سەبەبى ەلىمىزدەگى ءتۇرلى ءىس-شارالارعا بيلەت ساتىپ جۇرگەن 2 پلاتفورمادا رەسەيلىك ازىلكەشتەردىڭ كونسەرتىنە بيلەت ساتۋدى توقتاتقان.
سايتتاردى قولداۋ قىزمەتىنىڭ مالىمدەۋىنشە، بيلەت ساتىلىمى كونسەرت ۇيىمداستىرۋشىلارىنىڭ ءوتىنىشى بويىنشا ۋاقىتشا توقتاتىلعان.
ەسكە سالساق بۇعان دەيىن الەۋمەتتىك جەلى قولدانۋشىلارى رەسەيدىڭ ۋكرايناعا باسىپ كىرۋىن قولدايتىن كۆن كومانداسىنىڭ كونسەرتىنە بايكوت جاريالاپ، قارسى پەتيسيا جاساعان ەدى. كوماندانىڭ كونسەرتى 5 قازان كۇنى الماتىدا، 7-8 قازاندا استانا قالاسىندا وتكىزۋ جوسپارلانعان ەدى.
