بىلە بىلسەڭىز، ءبىر كەزدەرى ءبىزدىڭ ءبىلىم سالاسىنىڭ قۇزىرلى ورگانى 4 ملن قازاقستاندىق وقۋشىنىڭ جەكە مالىمەتتەرىن جيناۋ، ساقتاۋ جانە وڭدەۋ قىزمەتىن ەشقانداي ىرىكتەۋ مەن بايقاۋسىز، رەسەيلىك كومپانياعا 12 جىلعا بەرىپ جىبەرگەن!

ناتيجەسىندە، بۇل سالادا شەت ەلدەن باسقارىلاتىن قولدان جاسالعان مونوپوليا پايدا بولدى، دەپ دابىل قاقتى ماجىلىستە دەپۋتات ەرلان سايىروۆ.  

ونىڭ سوزىنشە، ەندى قازاقستاننىڭ 7 ملن ادامى (بالالار، مۇعالىمدەر مەن اتا-انالار) كىرۋىڭ مىندەتتى «كۇندەلىكتەن» جاعىمسىز جارناما كورۋدە.

بۇل از دەسەڭىز، «كۇندەلىك» «ۇلتتىق اقپاراتتىق تەحنولوگيالار» مەملەكەتتىك مەكەمەسىنىڭ سەرۆەرلەرىن پايدالانادى جانە ول ءۇشىن وقۋ-اعارتۋ مينيسترلىگى جىل سايىن 800 ملن تەڭگە قارجى تولەيدى دەگەن اقپاراتتى باس پروكۋراتۋرا تەكسەرۋى قاجەت، دەپ قوستى دەپۋتات.

• «كۇندەلىك» – بارلىق مەكتەپتە 2030 جىلعا دەيىن قولدانۋعا مىندەتتى جالعىز ەلەكتروندى جۇيە، جاساندى مونوپوليا.