جاقىندا ونەركاسىپ جانە قۇرىلىس ءمينيسترى بولعان قانات شارلاپايەۆ جۋرناليستەردىڭ سۇراقتارىنا جاۋاپ بەرىپ، بىرنەشە ۋادە بەردى. ۇكىمەتتە وتكەن بريفينگ كەزىندە جۋرناليستەر ءمينيستردىڭ شەتەلدە دۇنيەگە كەلگەنىن ايتىپ، قازاقشا بىلەتىنىن سىناپ كوردى. 

«مەن ءقازىر ءوزىم قازاق ءتىلىن مەڭگەرىپ جاتىرمىن. اپتاسىنا 5 رەت ساباق الام، ءمۇعالىم كەلەدى، سونىمەن قازاقشا ساباق الام. ەڭ الدىمەن، مەن ەشقانداي بوتەن، وزگە ادام ەمەسپىن. مەن قازاقستانعا قايتىپ كەلگەن قانداسپىن»، - دەدى قانات شارلاپايەۆ.

بۇدان بولەك مينيستر بۇرىنعى جۇمىس ىستەگەن ورنى "بايتەرەك" حولدينگىنەن ءوز كومانداسىن اكەلمەيتىنىن ايتتى. 

"كەلگەلى ءبىر ادامدى دا وزگەرتكەن جوقپىن. قانداي ارىپتەستەرىم بولدى، ءبارى قالدى. مينيسترلىكتە دە بۇل نارسە ساقتالادى. مەن ءوزىمنىڭ ۆيسە-مينيسترلەرىمدى وزگەرتپەيمىن، ءوز جۇمىسىن بىلەتىن ادامدارمەن جۇمىس ىستەيمىن"، - دەدى مينيستر.

قانات شارلاپايەۆ 1981 جىلى رەسەيدىڭ ساراتوۆ وبلىسىندا دۇنيەگە كەلگەن. بۇعان دەيىن  رەسەي جانە ۇلىبريتانيا ازاماتى بولعان مينيستر ءقازىر قازاقستان ازاماتى. ونەركاسىپ ءمينيسترى قىزمەتىنە تاعايىندالعانعا دەيىن "بايتەرەك" ۇلتتىق باسقارۋشى حولدينگى" اق باسقارما ءتوراعاسى بولدى.