باس پروكۋروردىڭ ورىنباسارى اسەت شىندالييەۆ نازاربايەۆتىڭ نەمەرە ءىنىسى سامات ءابىشتىڭ ەشقايدا كەتپەۋ تۋرالى قولحاتپەن جۇرگەنىن ايتتى. تەرگەۋشىلەر الگىنىڭ ەشقايدا قاشىپ كەتپەيتىنىنە سەنىمدى كورىنەدى.

«تەرگەۋ ورگاندارى ءوز تەرگەۋ جۇمىستارىنا سۇيەنەدى. ولار ونىڭ ەشقايدا قاشپايتىنىنا سەنىمدى بولسا كەرەك. جانە ول قىلمىستىق قۋدالاۋ ورگاندارى الدىنداعى زاڭ بويىنشا وزىنە جۇكتەلگەن مىندەتتەرىنىڭ ەشقايسىسىن بۇزباعان بولۋى مۇمكىن، سوندىقتان وعان باسقا بۇلتارتپاۋ شاراسىن قولدانۋ تۋرالى ماسەلە تۋىنداماعان»، – دەدى ول.

ونىڭ ايتۋىنشا، تەرگەۋ امالدارى ءجۇرىپ جاتىر، باسقا تەرگەۋ دەرەكتەرى جاريالانبايدى.

«سامات ابىشكە قاتىستى ءىس تەرگەۋ بارىسىندا، تەرگەۋ ءجۇرىپ جاتىر. قىلمىستىق-پروسەسۋالدىق كودەكس تالابىنا ساي، تەرگەۋ دەرەكتەرى دەرەكتەرى جاريالانبايدى. وتكەندە باس پروكۋراتۋرا مالىمەت بەردى. سامات ءابىش ەلدە ءجۇر. تەرگەۋ امالدارى ءجۇرىپ جاتىر. وعان قاتىستى «قاڭتار وقيعاسى» كەزىندە لاۋازىمدى وكىلەتتىلىگىن اسىرا پايدالاندى دەگەن كۇدىكپەن ءىس قوزعالدى»، – دەدى شىندالييەۆ ءماجىلىس كۋلۋارىندا.

قىلمىستىق ىسكە ءابىشتىڭ نە قاتىسى بار ەكەنى بەلگىسىز، دەپ اتاپ وتەدى kursiv.media باسىلىمى. ازىرگە بۇل قىلمىستىق ءىس بويىنشا سامات ءابىشتىڭ زاڭدى مارتەبەسى تۋرالى دا ناقتى مالىمەت جوق.

19 قىركۇيەكتە باس پروكۋراتۋرا ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى قاڭتار وقيعاسى كەزىندە لاۋازىمدى وكىلەتتىگىن اسىرا پايدالاندى دەگەن كۇدىكپەن تەرگەۋ باستاپ ەدى. 

باس پروكۋراتۋرا "كونستيتۋسياعا ساي، زاڭ مەن سوت الدىندا بارلىق ازاماتتار تەڭ" ەكەنىن ايتىپ قۇتىلعان.