ەربولات دوسايەۆ الماتى قالاسى اۋەزوۆ اۋدانىنداعى جەراستى وتكەلى مەن سكۆەردىڭ جوندەلۋىن تەكسەردى

جۇمىس ساپارى اياسىندا الماتى اكىمى ەربولات دوسايەۆ «اقساي-2» ىقشاماۋدانىنداعى سكۆەردىڭ جانە اباي داڭعىلىنىڭ سولتۇستىگىندەگى ساين كوشەسى بويىنشا جەراستى وتكەلىنىڭ جاي-كۇيى تەكسەردى.

مارعۇلان كوشەسىنەن تولە بي كوشەسىنە دەيىن ورنالاسقان الاڭ وتكەن جىلدىڭ قىركۇيەك ايىندا سالىنعان. قالا تۇرعىندارى ءۇشىن ۆوركاۋت الاڭى، بالالار ويىن ايماعى ورناتىلعان، سونداي-اق اۋماقتا ارت-وبەكتىلەر ورنالاسقان.

نىسانعا بارعان سەبەبى قالا ينفراقۇرىلىمىنىڭ الداعى كۇزگى-قىسقى كەزەڭگە دايىندىعىن تەكسەرۋ كەزىندە جىلۋ تراسسالارىنىڭ گيدراۆليكالىق سىناقتارىنان كەيىن بولعان سەرپىلىس بولدى.

«ءبىزدىڭ قالادا، وكىنىشكە قاراي، جىلۋ ماگيسترالدارىنىڭ توزۋى جوعارى دەڭگەيدە – 59،2%. شاعىمدار كوپ ءتۇسىپ جاتىر.  3 كەزەڭ بويىنشا جوندەۋدەن كەيىن تراسسالاردى گيدراۆليكالىق سىناقتان وتكىزدىك. ءقازىر جاعدايدى رەتكە كەلتىرىپ جاتىرمىز. گيدروسىناقتاردى 13 قىركۇيەكتە تولىقتاي اياقتايمىز»، - دەدى ەربولات دوسايەۆ.

«الماتى جىلۋ جەلىلەرى» ج ش س باس ديرەكتورى التاي راحىمبەتوۆ قالا بويىنشا وسىنداي ورىندار انىقتالىپ جاتقانىن اتاپ ءوتتى. اتس وپەراتور رەتىندە تۋىنداعان ماسەلەلەردى شەشۋ ءۇشىن جەدەل شارالار قابىلدايدى.

نىسانداردى ارالاۋ بارىسىندا قالا اكىمى تاس جولداردى توسەۋ ماسەلەسىنە ەرەكشە توقتالدى، وسىعان بايلانىستى مەگاپوليستە جول ۋچاسكەلەرىندە كولىك قوزعالىسى جارتىلاي جابىلعان. ەربولات دوسايەۆ جۇمىستىڭ تار ايماقتاردى قامتيتىنىن، ءبىرىنشى كەزەكتە ولاردى جىلىتۋ ماۋسىمى جاقىنداعانعا دەيىن قالپىنا كەلتىرۋ كەرەكتىگىن اتاپ ءوتتى.

قازىرگى ۋاقىتتا قوجانوۆ كوشەسى بويىنداعى جىلۋ ماگيسترالى قايتا جاڭارتىلۋدا، ول 1976 جىلى ىسكە قوسىلىپ، ءوزىنىڭ نورماتيۆتىك مەرزىمىنە جەتكەن. بۇگىنگى تاڭدا گاگارين داڭعىلىندا جەلىلەردى توسەۋ جۇمىستارى اياقتالىپ، اسفالت توسەۋ ءۇشىن توپىراقتى نىعىزداۋ جۇمىستارى جۇرگىزىلدى. جۇمىستاردى اياقتاۋدىڭ جوسپارلانعان مەرزىمى-15 قىركۇيەك. وتكىزىلەتىن ءىس-شارالار الماتى قالاسىنىڭ اۋەزوۆ اۋدانىندا ورنالاسقان 19 كوپپاتەرلى ءۇيدىڭ، 2 بالاباقشانىڭ جانە 39 باسقا نىساننىڭ تۇرعىندارىن ساپالى جىلۋمەن قامتاماسىز ەتۋگە مۇمكىندىك بەرەدى.

جالپى، بيىل جۇرگىزىلگەن جىلۋ جەلىلەرىن قايتا جاڭعىرتۋ قالاداعى توزۋدى 0،7 پايىزعا ازايتادى.

كەلەسى نىسان ساين - اباي داڭعىلىنىڭ سولتۇستىگىندەگى كوشە بويىنداعى جەراستى وتكەلى بولدى. ماۋسىم ايىندا جوندەۋ جۇمىستارى باستالىپ، قازان ايىندا اياقتاۋ جوسپارلانعان. ونىڭ جۇمىس ىستەپ تۇرعانىن جانە جاياۋ جۇرگىنشىلەر پايدالاناتىنىن ايتا كەتكەن ءجون. جوباعا مەتالل كونسترۋكسياسىن قوسۋ ارقىلى شاتىردى جوندەۋ، قالالىق پوليسيا بولىمىنە اقپاراتتى جەتكىزۋگە رۇقساتى بار ۆاندالدىق بەينەباقىلاۋ كامەرالارىن ورناتۋ، كابەلدەردى اۋىستىرۋ كىرەدى.

ەربولات دوسايەۆ جەراستى وتكەلدەرىندەگى جارىقتاندىرۋ ساپاسىنا ەرەكشە نازار اۋدارىپ، كۇندىزگى جانە كەشكى ۋاقىتتا جەتكىلىكتى دەڭگەيدە كوشەلەردى جارىقتاندىرۋدى تاپسىردى. اۋەزوۆ اۋدانىنىڭ اكىمىنە جۇمىستاردىڭ ساپاسىن باقىلاۋدى كۇشەيتۋ تاپسىرىلدى.

«ءبىز بارلىق وتكەلدە جارىق بولۋى كەرەك دەپ كەلىستىك. جەر استى وتكەلى دە جارىق بولۋى كەرەك. قوسىمشا جارىقتاندىرۋدى جاساۋ كەرەك. ءبىزدىڭ مىندەتىمىز - ازاماتتارعا بارلىق جاعداي جاساۋ. ولار وزدەرىن ءقاۋىپسىز سەزىنۋى كەرەك»، - دەدى ەربولات دوسايەۆ.

سونداي-اق قالا اكىمى جەراستى وتكەلدەرىنە سۋرەت سالعان سۋرەتشىلەرمەن سويلەستى. قابىرعالارعا قازاقتىڭ سالت-داستۇرلەرى مەن ۇلتتىق ويىندارى تۋرالى كوركەم سۋرەتتەر: بەتاشار، اسىق اتۋ، ءجىپ ءيىرۋ، تەڭگە ءىلۋ ىلىنەدى. ەربولات دوسايەۆ شەبەرلەرگە شابىت پەن ءساتتى جۇمىس تىلەدى.

ايتا كەتەتىن ءجايت، اۋەزوۆ اۋدانىندا جوندەۋ جۇمىستارى قوسىمشا ءۇش جەراستى وتكەلىندە جۇرگىزىلۋدە.