قالا اكىمدىگى جوسپاردان تىس تەكسەرۋلەر بارىسىندا بۇزۋشىلىقتار انىقتالدى.

وڭىرلىك كوممۋنيكاسيالار قىزمەتىنىڭ بريفينگىندە زاڭسىز قۇرىلىس سالۋعا قاتىستى قابىلدانىپ جاتقان شارالار تۋرالى الماتى قالاسى قالا قۇرىلىسىن باقىلاۋ باسقارماسى باسشىسىنىڭ ورىنباسارى ولجاس تولەبايەۆ ايتىپ بەردى، دەپ حابارلايدى Almaty-akshamy.kz. 

سپيكەردىڭ مالىمەتىنشە،  قالا اۋماعىندا 823 وبەكتىنىڭ (بيۋدجەتتىك 240، كوممەرسيالىق 583)، ونىڭ ىشىندە 155 تۇرعىن ءۇي كەشەنىنىڭ قۇرىلىسى جۇرگىزىلۋدە. قۇرىلىس وبەكتىلەرىندە 383 قۇرىلىس كومپانياسى، 138 تەحنيكالىق قاداعالاۋ ۇيىمى جۇمىلدىرىلعان.

“باقىلاۋ فۋنكسيالارى شەڭبەرىندە 2023 جىلى 740 جوسپاردان تىس تەكسەرۋ جۇرگىزىلدى، جالپى سوماسى 187 ملن تەڭگەگە اكىمشىلىك ايىپپۇل سالىنعان 956 بۇزۋشىلىق انىقتالدى”، - دەپ حابارلادى ول.

بۇزۋشىلىقتاردى جويۋعا 779 نۇسقاما بەرىلدى. ساپاسىز قۇرىلىس جانە قۇرىلىس-مونتاجداۋ جۇمىستارىن جۇرگىزگەنى ءۇشىن 312-باپ بويىنشا 35،7 ملن. تەڭگە سوماسىنا 47 مەردىگەر ۇيىم جاۋاپكەرشىلىككە تارتىلدى، ونىڭ ىشىندە:

- بيۋدجەتتىك وبەكتىلەر بويىنشا 9 ملن. تەڭگە سوماسىنا 14 مەردىگەر ۇيىم؛
- كوممەرسيالىق وبەكتىلەر بويىنشا 27،6 ملن. تەڭگە سوماسىنا 33 مەردىگەر ۇيىم.

اعىمداعى جىلدىڭ باسىنان باستاپ سوتتارعا زاڭسىز سالىنعان وبەكتىلەردى بۇزۋ تۋرالى 53 تالاپ-ارىز جولداندى (17 قاناعاتتاندىرىلدى، 36 قاراۋدا). زاڭسىز سالىنعان 19 وبەكت بۇزىلدى (ونىڭ ىشىندە 2022 جىلعى شەشىمدەر بويىنشا). ليسەنزيادان كەيىنگى باقىلاۋ قورىتىندىسى بويىنشا 20 قۇرىلىس ليسەنزياسىنىڭ قىزمەتى ۋاقىتشا توقتاتىلدى، 247 ليسەنزياسىنىڭ كۇشى جويىلدى.

2022 جىلدان باستاپ باسقارما الماتى قالاسىنىڭ تاۋلى ايماقتارىندا زاڭسىز قۇرىلىستىڭ 52 فاكتىسىن انىقتادى، ونىڭ ىشىندە:

- بوستاندىق اۋدانى 21 نىسان؛
- مەدەۋ اۋدانى 24 نىسان؛
- ناۋرىزباي اۋدانى 7 نىسان.

انىقتالعان 52 وبەكتىنىڭ ىشىنەن:

- سوتقا 42 تالاپ ارىز بەرىلدى (16-دان سوت شەشىمى بار. ونىڭ ىشىندە: بۇزۋعا – 10، نۇسقامانى ورىنداۋعا - 6)؛
- سوتقا 7 تالاپ - ارىز دايىندالۋدا-؛
- 3ء-ۋى بويىنشا تەكسەرۋ شارالارى جۇرگىزىلۋدە.

«بۇگىنگى تاڭدا ساۋلەت-قۇرىلىس باقىلاۋ ورگاندارى ينسپەكسيالاۋ شەڭبەرىندە وبەكتىگە كەدەرگىسىز كىرۋ قۇقىعىنان ايىرىلعانى جانە تەكسەرۋلەر ق ر كاسىپكەرلىك كودەكسىنە سايكەس رەسمي وتىنىشتەر نەگىزىندە عانا جۇرگىزىلەتىنى بەلگىلى. الماتى قالاسى اكىمىنىڭ باستاماسى بويىنشا پرەزيدەنتتىڭ قولداۋىمەن تەكسەرۋ جۇرگىزۋ ءتارتىبىن قايتا قاراۋ جانە سالىنىپ جاتقان وبەكتىلەرگە باقىلاۋدى كۇشەيتۋ جونىندە تۇزەتۋلەر ەنگىزىلەدى. ءتيىستى زاڭ جوباسى پارلامەنتتىڭ قاراۋىنا جىبەرىلدى»، - دەپ اتاپ ءوتتى ول. 

سونداي-اق، سپيكەر جىلجىمايتىن مۇلىك ساتىپ الۋدى جوسپارلاپ وتىرعان الماتى تۇرعىندارىنا جۇگىندى. جىلجىمايتىن مۇلىكتى ساتىپ الماس بۇرىن سالىنىپ جاتقان تۇك-نىڭ قۇجاتتارىنىڭ تولىق پاكەتىن قالا قۇرىلىسىن باقىلاۋ باسقارماسىنىڭ جەدەل جەلىسىنىڭ +7 705 89 66 000 WhatsApp ءنومىرى بويىنشا تەكسەرۋ قاجەت.