اقتوبە وبلىسىنىڭ بۇرىنعى اكىمى ەرمەك يمانتايەۆ اشتىق جاريالادى، دەپ حابارلايدى كتك ارناسى. وعان لاۋازىمدىق وكىلەتتىگىن اسىرا پايدالانىپ، جەر ۋچاسكەلەرىن ءوز باعاسىنان تومەن ساتتى دەگەن ايىپ تاعىلعان بولاتىن
يمانتايەۆ وزىنە تاعىلعان ايىپپەن كەلىسپەي وتىر. ول جەردى زاڭسىز ساتقانى ءۇشىن جاۋاپقا تارتىلىپ جاتىر. قازىرگى كەزدە ەكس-اكىم تاماقتان دا، سۋدان دا باس تارتتى. جۇبايىنىڭ ايتۋىنشا، يمانتايەۆتىڭ ءنار تاتپاعانىنا جەتى كۇن بولعان. دەنساۋلىعى دا ناشارلاي باستاعاننان سوت وتىرىسىنا دا كەلە الماعان. وسىعان بايلانىستى كەشەگى وتىرىستى كەيىنگە قالدىرۋعا تۋرا كەلگەن.
"بۇگىن مەن تەرگەۋ يزولياتورىنا كۇيەۋىم ەرمەك يمانتايەۆقا باردىم. ونى زەمبىلمەن الىپ شىققانىن كوردىم. جاعدايى وتە ناشار، ارەڭ سويلەپ جاتىر. ءبىراق ەسىن بىلەدى، قىلمىستىق ءىس بويىنشا قوسىمشا تەرگەۋ جۇرگىزۋدى تالاپ ەتىپ وتىر"، - دەيدى لەيلا يمانتايەۆا.
ونىڭ ايتۋىنشا، ەكس-اكىم ءىستىڭ جان-جاقتى قارالعانىن قالايدى. بارلىق ادام زاڭ الدىندا جاۋاپ بەرۋى كەرەك.
ايتا كەتەرى، بيىل اقپان ايىندا اقتوبە وبلىسىنىڭ بۇرىنعى اكىمى ەرمەك يمانتايەۆ قىزمەتتىك وكىلەتتىگىن تەرىس پايدالانعان دەپ ايىپتالدى.
وعان لاۋازىمدىق وكىلەتتىگىن اسىرا پايدالانىپ، جەر ۋچاسكەلەرىن ءوز باعاسىنان تومەن ساتتى دەگەن ايىپ تاعىلعان بولاتىن. سالدارىنان مەملەكەتكە 199،4 ملن تەڭگە زالال كەلتىرىلگەن.
ەرمەك يمانتايەۆ 2002 جىلدىڭ ساۋىرىندە اقتوبە وبلىسىنىڭ اكىمى قىزمەتىنە تاعايىندالعان بولاتىن. وسى لاۋازىمدا 2004 جىلدىڭ شىلدەسىنە دەيىن بولدى. ودان كەيىن پرەزيدەنت اكىمشىلىگىنە اۋىسىپ، مەملەكەتتىك باقىلاۋ جانە ۇيىمداستىرۋ ءبولىمىنىڭ ينسپەكتورى بولدى. ەسەپ كوميتەتىندە ەڭبەك ەتتى.
2019 جىلدىڭ قاراشا ايىنان باستاپ 2021 جىلدىڭ ناۋرىزىنا دەيىن "اقتوبە" الەۋمەتتىك-كاسىپكەرلىك كورپوراسياسىن باسقاردى.
