ءماجىلىستىڭ جالپى وتىرىسىندا دەپۋتاتتار ۇلتتىق قوردان بالالارعا قاراجات بەرۋدى كوزدەيتىن زاڭ جوباسىنا سەنات ۇسىنعان وزگەرىستەر مەن تولىقتىرۋلاردى ەنگىزۋگە كەلىستى.
سەنات دەپۋتاتتارى قۇجاتتان "نىسانالى جيناقتاۋ" ۇعىمىن الىپ تاستاۋ كەرەگىن ايتقان، ويتكەنى ولار بجزق-نىڭ نىسانالى جيناقتاۋ شوتتارىندا عانا بولۋى مۇمكىن. سونداي-اق ۇلتتىق ءال-اۋقات قورىنىڭ جالعىز اكسيونەرىنىڭ قۇزىرەتىن رەگلامەنتتەيتىن نورمالاردىڭ قايتالانعانى اتاپ ءوتىلدى.
"ءماجىلىس 23 قىركۇيەكتە قابىلداعان زاڭ جوباسى سەنات قاراۋىنا جىبەرىلگەن ەدى. 13 قازاندا سەنات زاڭ جوباسىن كەرى قايتاردى. زاڭعا 10 تۇزەتۋ ەنگىزىلدى. ونىڭ ىشىندە 5 تۇزەتۋ رەداكسيالىق ناقتىلاۋ سيپاتىندا، 5 تۇزەتۋ زاڭنىڭ جەكەلەگەن نورمالارىن ىشكى جانە زاڭنامالىق اكتىلەرگە سايكەس كەلتىرۋدى كوزدەيدى"، - دەدى دەپۋتات بەرىك بەيسەنعالييەۆ ءماجىلىس وتىرىسىندا.
زاڭ 2024 جىلدىڭ 1 قاڭتارىنان باستاپ كۇشىنە ەنۋى ءتيىس. قۇجات بويىنشا ۇلتتىق قوردىڭ جىل سايىنعى ينۆەستيسيالىق تابىسىنىڭ 50 پايىزى ءار بالاعا 18 جاسقا تولعانعا دەيىنگى ارنايى جيناقتاۋ شوتىنا جينالادى. ول اقشانى 18 جاسقا دەيىن ەشكىم الا المايدى.
ەندىگى زاڭ جوباسىنا پرەزيدەنت قاسىم-جومارت توقايەۆ قول قويۋى ءتيىس.
