انتيكور بۇرىنعى ادىلەت ءمينيسترى مارات بەكەتايەۆتىڭ ۇستالعانىن راستادى. ول مەملەكەت باسشىسىنىڭ زاڭسىز شىعارىلعان اكتيۆتەردى ىزدەۋ جانە قايتارۋ جونىندەگى تاپسىرماسىن ورىنداۋ شەڭبەرىندە لاۋازىمدىق وكىلەتتىكتەرىن اسىرا پايدالاندى دەگەن كۇدىك بويىنشا ۇستالعان.
"سونداي-اق تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەلەرىن قولدادى. بۇل ارەكەت مەملەكەتكە ۇلكەن زيان كەلتىردى. اكتيۆتەردى قايتارۋ بويىنشا جۇمىس جالعاسۋدا. قازىرگى ۋاقىتتا كۇدىكتى سوتتىڭ سانكسياسىمەن قاماۋعا الىندى. تەرگەۋ مۇددەسى ءۇشىن باسقا اقپارات جاريا ەتىلمەيدى"، دەلىنگەن ۆەدومستۆانىڭ مالىمدەمەسىندە.
مارات بەكەتايەۆ 2016 جىلدان 2022 جىلعا دەيىن ادىلەت ءمينيسترى قىزمەتىن اتقاردى. ول قاڭتار وقيعالارىنان كەيىن قىزمەتىنەن كەتتى.
پىكىر قالدىرۋ