بۇگىن الماتى وبلىسىنىڭ اكىمى "Kelun-Kazpharm" كومپانياسىنىڭ اتقارۋشى ديرەكتورى مەرەي سلامۇلىن "قۇرمەت" وردەنىمەن ماراپاتتادى. 

مەرەي سلام ۇلى – بەلگىلى كاسىپكەر، مەسەنات. 1963 جىلدىڭ 20 قاڭتارىندا قحر شىڭجاڭ ۇيعىر اۆتونوميالىق اۋدانى، قۇتىبي اۋدانىنا قاراستى تورعايتى ەلدى مەكەنىندە دۇنيەگە كەلگەن. باستاۋىش مەكتەپتى تورعايتىدا وقىپ، ورتا مەكتەپتى قۇتىبي اۋدانىندا بىتىرگەن. 1982-1986 جىلدار ارالىعىندا قىتايدىڭ ايگىلى نانكين ۋنيۆەرسيتەتىنىڭ بيولوگيا فاكۋلتەتىندە بوتانيكا ماماندىعى بويىنشا ءبىلىم العان.

2014 جىلى مەرەي سلام ۇلى 5 جىلدا سالىناتىن زاۋىتتى 1 جىلدىڭ ىشىندە ىسكە قوسىپ، 500 ادامدى جۇمىسپەن قامتىپ وتىر. ال "Kelun-Kazpharm" – قازاقستاننىڭ ەڭ ءىرى ۇشتىگىنە كىرەتىن، ءدارى وندىرەتىن، الەمدىك فارماسيەۆتيكا سالاسىندا ورنى بار كورپوراسيا.