رەسەيلىك وپپوزيسيونەرلەر "انتيسوعىس كوميتەتىن" قۇرىپ، بەرليندە ۇلكەن كەزدەسۋ وتكىزگەن ەكەن.
ولار "بىرلەسكەن ارەكەتتەر ستراتەگياسىن" ويلاستىرىپ، رەسەيدە "نەت پۋتينۋ" دەگەن ساياسي ناۋقانعا كىرىسەتىنىن جاريالادى.
بۇل ناۋقان اياسىندا پۋتين مەن ونىڭ سوعىسىنا قارسى بەلسەندىلەر بار مەديا رەسۋرستارىن بىرىكتىرىپ، ءپۋتيننىڭ سايلاۋىنا قارسى جاپپاي ۇگىت-ناسيحات جۇرگىزبەك.
وپپوزيسيونەرلەر پۋتين "قايتا سايلانىپ" العان جاعدايدا سايلاۋ ناتيجەلەرىن مويىندامايتىن بولىپ كەلىستى.
پۋتينگە قارسى ناۋقانعا جەكەلەگەن تۇلعالاردان بولەك، ازىرگە 130-دان استام ۇيىم قوسىلۋعا دايىن وتىر.
ولار الەۋمەتتىك جەلىلەردە ناسيحات جۇرگىزىپ، ءوز اقشالارىنا سىرتقى جارناما ىلۋدەن بولەك، ءاربىر ۇيگە كىرىپ، "پۋتينگە داۋىس بەرە كورمەڭىز"، دەپ رەسەي حالقىن ۇگىتتەمەك.
سوعىس پەن پۋتينگە قارسى كۇشتەردىڭ كواليسياسى "رەسەيدىڭ باعى اشىلۋى ءۇشىن ەڭ ءبىرىنشى پۋتيننەن قۇتىلۋىمىز كەرەك"، دەگەندى قولدان كەلگەنشە رەسەيلىكتەردىڭ ساناسىنا جەتكىزۋگە نيەتتى.
پىكىر قالدىرۋ