بۇگىن مەملەكەت باسشىسى قاسىم-جومارت توقايەۆ اقىن، كوپكە بەلگىلى "كوك تۋدىڭ جەلبىرەگەنى" ءانىنىڭ ءسوزىن جازعان الماس احمەتبەكۇلىن "قۇرمەت" وردەنىمەن ماراپاتتادى. 

الماس احمەتبەك ۇلى – 1961 جىلى قحر، تارباعاتاي ايماعىندا دۇنيەگە كەلگەن. 1982 ىلە پەداگوگيكالىق ينستيتۋتىنىڭ فيلولوگيا فاكۋلتەتىن ءتامامداعان. 1982-1992 جىلدار ارالىعىندا شاۋەشەك قالاسىندا شىعارىلاتىن «تارباعاتاي» ادەبي جۋرنالىنىڭ رەداكتورى بولىپ قىزمەت اتقارىپ، 1993 جىلى تاريحي وتانىنا ورالدى.

اقىننىڭ «داۋىس»، «شيرىعۋ»، «كوك تۋدىڭ جەلبىرەگەنى» دەپ اتالاتىن كىتاپتارى جارىق كورگەن. 

1993-1995 جىلدارى «جاس الاش» گازەتىندە ءتىلشى، 1996-2006 جىلدارى ءال-فارابي اتىنداعى قۇۋ جۋرناليستيكا فاكۋلتەتىندە اعا وقىتۋشى بولىپ قىزمەت اتقارعان. 1997 جىلى ق ر پارلامەنت ماجىلىسىندە باسپا ءسوز قىزمەتكەرى بولىپ جۇمىس ىستەگەن.