استاناعا رەسمي ىسساپارمەن كەلگەن فرانسيا پرەزيدەنتى ەممانيۋەل ماكرون پاريج ەلىمىزدىڭ مەكتەپتەرىندە فرانسۋز ءتىلىن قايتا ەنگىزۋدى ۇسىندى. فرانسيا پرەزيدەنتىنىڭ ايتۋىنشا بۇل ەكى ەل اراسىنداعى مادەني بايلانىستى نىعايتا تۇسەدى.
"بىزگە فرانسۋز ءتىلىن وقىتۋ قازاق مەكتەپتەرىنە قايتا ورالعانى وتە ماڭىزدى. ءبىز قازىرگى جاعدايدى وزگەرتۋگە بار كۇش-جىگەرىمىزدى سالۋعا دايىنبىز. مەن ءبىزدىڭ ءبىلىم بەرۋ ۇيىمدارى اراسىندا قول قويىلعان ۇكىمەتارالىق كەلىسىمگە زور ءۇمىت كۇتەمىن"، - دەدى ماكرون كەڭەيتىلگەن كەزدەسۋدە.
فرانسيا پرەزيدەنتى 2024 جىلعى قىركۇيەكتەن باستاپ فرانسۋز-قازاق ۋنيۆەرسيتەتى جۇمىس ىستەيتىنىن اتاپ ءوتتى.
"ستۋدەنتتەر اراسىنداعى بايلانىستىڭ دامىعانى، ستۋدەنتتەرىمىزگە ارنالعان ستيپەنديالاردىڭ بولعانى وتە ماڭىزدى. سونداي-اق مەن ءسىزدىڭ پاريجدە ءسىزدىڭ ەلىڭىزدىڭ مادەني مۇراسىنا ارنالعان كورمەنى وتكىزۋ تۋرالى باستاماڭىزدى قولدايمىن. گيمە مۋزەيىنىڭ ءتوراعاسى بۇگىن مەنىمەن بىرگە كەلدى، ءقازىر ءبىز كەلەسى جىلى وتكىزۋ مۇمكىندىگىن تالقىلايمىز"، - دەدى ماكرون.
پىكىر قالدىرۋ