كۋرچاتوۆتا قالا جۇرتشىلىعىمەن كەزدەسۋ ءوتىپ، وندا اباي وبلىسىنىڭ اكىمى سايلاۋ ناتيجەسىندە تۇرعىندار سايلاعان جاڭا اكىمدى تانىستىردى.
قازاقستان رەسپۋبليكاسىنىڭ «سايلاۋ تۋرالى» زاڭىنا سايكەس جانە كۋرچاتوۆ قالاسىنىڭ اۋماقتىق سايلاۋ كوميسسياسى سايلاۋىنىڭ قورىتىندىسى ناتيجەسىندە قالا اكىمى بولىپ بولات تاڭسىقباي ۇلى ابدىرالييەۆ سايلاندى.
ەڭبەك جولىن ماشينيست بولىپ باستاعان بولات ابدىرالييەۆ وسى جىلدار ىشىندە ديسپەچەر، سەح باستىعىنىڭ ورىنباسارى، ءبىرقاتار كاسىپورىنداردىڭ باسشىسى قىزمەتىن اتقاردى. ودان كەيىن «نۇر وتان» پارتياسى ورتالىق اپپاراتىنىڭ اكتيۆتەر ءبولىمىنىڭ مەڭگەرۋشىسى، اباي وبلىسىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىن باسقاردى.
«بولات تاڭسىقباي ۇلى قىسقا مەرزىمدە قالانىڭ الەۋمەتتىك-ەكونوميكالىق دامۋىنا ءوز ۇلەسىن قوستى. كۋرچاتوۆتىڭ بولاشاعى زور. ونىڭ عىلىمي الەۋەتىن مەملەكەت باسشىسى لايىقتى تۇردە اتاپ ءوتتى. قالانىڭ دامىپ، ازاماتتاردىڭ تۇرۋىنا قولايلى جاعداي جاساۋ ءۇشىن بىرلەسە جۇمىس ىستەيتىن بولامىز»، - دەدى ءوڭىر باسشىسى.
كەزدەسۋدە ايماق باسشىسى كۋرچاتوۆ قالاسىنىڭ جاڭا اكىمىنىڭ جۇمىسىنا تابىس تىلەدى.
پىكىر قالدىرۋ