عازا سەكتورىنداعى قازاقستاندىقتار ەۆاكۋاسيالانا باستايدى. ءبىرىنشى كەزەڭدە 40 ازامات ەلدەن شىعارىلادى. بۇل تۋرالى سىرتقى ىستەر مينيسترلىگى حابارلادى.
"13 قاراشادا 44 ازاماتتان تۇراتىن ءبىرىنشى توپتى ەۆاكۋاسيالاۋ جوسپارلانعان. وعان قازاقستاننىڭ 40 ازاماتى جانە ءتورت شەتەلدىك – ولاردىڭ وتباسى مۇشەلەرى كىرەدى. ەۆاكۋاسيالاناتىنداردىڭ اراسىندا باسقا توعىز ەلدىڭ وكىلدەرى بار – ماروككو، يوردانيا، رەسەي، يسپانيا، شۆەسيا، پەرۋ، نيدەرلاندى، ۇلىبريتانيا، اقش"، - دەدى ءسىم رەسمي وكىلى ايبەك سمادياروۆ.
ەۆاكۋاسيا گازا سەكتورى مەن ەگيپەت اراسىندا ورنالاسقان رافاح باقىلاۋ بەكەتى ارقىلى جۇزەگە اسىرىلادى. وتكەننەن كەيىن قازاقستاندىقتار كايرگە جەر ءۇستى كولىگىمەن جەتكىزىلىپ، قوناق ۇيگە ورنالاستىرىلادى.
پىكىر قالدىرۋ