ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ اقشانى جىلىستاتتى جانە پارا الدى دەگەن كۇدىككە ءىلىندى. بۇل تۋرالى قازاقستاننىڭ ۇلتتىق قاۋىپسىزدىك كوميتەتىنىڭ "قازاقپارات" اگەنتتىگىنە بەرگەن جاۋابىندا كورسەتىلگەن.
"ۇلتتىق قاۋىپسىزدىك كوميتەتى ك. ماسىموۆكە قاتىستى ق ر قىلمىستىق كودەكستىڭ 218-بابى "قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ)" جانە 366-بابى "اسا ءىرى كولەمدە پارا الۋ" بويىنشا سوتالدى تەرگەپ-تەكسەرۋدى جالعاستىرىپ جاتقانىن حابارلايمىز"، - دەلىنگەن كوميتەت جاۋابىندا.
وسىعان بايلانىستى كارىم ءماسىموۆ پروكۋراتۋرا سانكسياسىمەن تەرگەۋ امالدارىن جۇرگىزۋ ءۇشىن استانا قالاسىنداعى ۇقك وقشاۋلاۋ ورنىنا جەتكىزىلگەن. قىلمىستىق ءىس اياسىندا ءبىرقاتار تەرگەۋ ارەكەتى جۇرگىزىلدى.
