ەلىمىزدە قىزىلشاعا قارسى ەكپە الۋ كۇشەيتىلەتىن بولادى. بۇل تۋرالى ۇكىمەت وتىرىسىندا ءاليحان سمايىلوۆ حابارلادى. 

"ۆيرۋستى جۇقتىرعاندار سانى ارتىپ بارادى. ولاردىڭ باسىم كوپشىلىگى – بالالار. اۋرۋدىڭ تارالۋىن توقتاتۋ كەرەك. بالا دەنساۋلىعى باستى نازاردا بولۋى ءتيىس. ۆاكسينا الۋدان باسقا، مۇنداي ءقاۋىپتى ۆيرۋسپەن كۇرەسۋ مۇمكىن ەمەس. سوندىقتان، ەكپە الۋدى كۇشەيتۋ قاجەت"، دەدى ءاليحان سمايىلوۆ. 

دەنساۋلىق ءمينيسترى اجار عيناياتتىڭ ايتۋىنشا، ەلىمىزدە قىزىلشا اۋرۋىنا شالدىققان 30 بالا جانساقتاۋ بولىمىندە جاتىر. 

"ەمدەۋگە جاتقىزىلعانداردىڭ ىشىندە 30 بالا جانساقتاۋ بولىمىندە جاتىر. ولاردىڭ جاعدايى اۋىر. ونىڭ ىشىندە 1 جاسقا دەيىنگى 15 بالا بار. ءولىم-جىتىم جوق. جاعدايى اۋىر بالالاردىڭ ءبارى مينيسترلىكتىڭ باقىلاۋىندا"، - دەدى اجار عينيات