استانانى دامىتۋدىڭ 2035 جىلعا دەيىنگى باس جوسپارىنىڭ جوباسى قالالىق ءماسليحاتتا بەكىتىلىپ، «اشىق نقا» پورتالىندا جاريالاندى. وسىلايشا، ەلوردانىڭ الداعى 12 جىلعا ارنالعان جوسپارى تالقىلانۋدا. 2035 جىلعا قاراي استانا حالقىنىڭ سانى 2275000 ادامعا جەتۋى مۇمكىن. قۇجاتقا سايكەس، ەڭبەككە قابىلەتتى جاستاعى حالىق ەسەپتىك مەرزىمىنىڭ سوڭىنا قاراي قالا حالقىنىڭ 66 پايىزىن قۇراسا، مەكتەپتەردەگى ورىن سانىن 257،4 مىڭ ورىنعا، ال بالاباقشالارداعى ورىنداردى 82،7 مىڭ ورىنعا ۇلعايتۋ كوزدەلگەن. باس جوسپاردىڭ جوباسىنا قاتىستى قالا تۇرعىندارى قىزۋ پىكىر بىلدىرۋدە. تالقىلاۋ 8 جەلتوقسانعا دەيىن جالعاسادى.
سوڭعى دەرەكتەرگە سۇيەنسەك، بۇگىندە ەلوردا حالقىنىڭ سانى 1409497 ادامدى قۇراپ وتىر. 2035 جىلعا دەيىن ولاردىڭ قاتارى 2،3 ملن ادامعا جەتۋى مۇمكىن. وسىعان وراي، استانا قالاسى باس جوسپارىنىڭ جوباسى «اشىق نقا» پورتالىندا حالىقتىڭ تالقىسىنا سالىندى.
استانا قالاسىنىڭ 2035 جىلعا دەيىنگى باس جوسپارى – كەلەشەكتەگى كەشەندى دامۋدىڭ، اۋماقتى جوسپارلى ۇيىمداستىرۋدىڭ، قالانىڭ الەۋمەتتىك جانە ينجەنەرلىك-كولىك ينفراقۇرىلىمى جۇيەسىنىڭ باعىتتارىن ايقىندايتىن نەگىزگى قالا قۇرىلىسىنىڭ قۇجاتى.
قازاقستاندىقتار 2023 جىلدىڭ 8 جەلتوقسانىنا دەيىن وعان قاتىستى پىكىر ءبىلدىرىپ، تالقىعا سالا الادى. مامانداردىڭ مالىمدەۋىنشە، 2035 جىلعا قاراي استانا حالقىنىڭ سانى 2275000 ادامعا جەتۋ مۇمكىن. ەڭبەككە قابىلەتتى جاستاعى حالىق ەسەپتىك مەرزىمىنىڭ سوڭىنا قاراي قالا حالقىنىڭ 66 پايىزىن قۇرايدى.
«استانا باس جوسپار» ج ش س جوبالىق توبىنىڭ جەتەكشىسى باقتيار توقتامىسوۆتىڭ ايتۋىنشا، 2035 جىلعا دەيىن جاڭا باس جوسپاردى ازىرلەۋ قاجەتتىلىگى ەلوردانىڭ قارقىندى وسۋىنە بايلانىستى پايدا بولدى. 2001 جىلى جاپون ساۋلەتشىسى كيسە كۋروكاۆا جاساعان العاشقى جوسپار قالادا 800 مىڭعا جۋىق ادام تۇراتىنىن كوزدەدى.
2035 جىلعا قاراي قالانىڭ شەكاراسى مەن قاڭقاسى وزگەرىسسىز قالادى. وسىعان قاراماستان، قالا ءتورت باعىتتا – «مەترو» سو اۋدانىنداعى قاراعاندى تاسجولىنا قاراي، ماڭگىلىك ەل كوشەسى، تۇران داڭعىلىنىڭ باتىسىندا، سونداي-اق «تەلمان» تۇرعىن الابىنىڭ وڭتۇستىگىنە قاراي وسەدى. ەلوردادا جاڭا ك-3 اينالما جولى پايدا بولادى. ول حۋسەين بەن تالال كوشەسىمەن، جاڭا تەمىرجول ۆوكزالىنىڭ جانىنان، بايقوڭىر اۋدانىنداعى ونەركاسىپ ايماعىنان ءوتىپ، نۇرعيسا تىلەندييەۆ داڭعىلىنان ۇلكەن تالدىكول كولىن اينالىپ وتەدى. كەيبىر اۋدانداردا: كوكتال، شۇبار، زارەچنىي، جاڭا ۆوكزال، وڭتۇستىك-شىعىس اۋداندارى مەن اسان قايعى كوشەلەرىندەگى ەسكى ۇيلەر ىسىرىلادى. بۇل رەتتە ءبىرىنشى كەزەڭگە، ياعني 2025 جىلى ءبىر ادامعا تۇرعىن ءۇي قورىمەن قامتاماسىز ەتۋدى 26 شارشى مەترگە دەيىن ۇلعايتۋ جوسپارلانۋدا. بۇل رەتتە تۇرعىن ءۇي قورى 37200 مىڭ شارشى مەتردى قۇرايدى.
«قالا اۋماعىنىڭ اكىمشىلىك شەكارالارى شەگىندەگى حالىق سانى باستاپقى جىلى 1184،4 مىڭ ادام بولدى. استانا قالاسى حالقىنىڭ كەلەشەكتەگى سانىنىڭ بولجامى كوررەلياسيا-رەگرەسسيا تالداۋى، جاس قوزعالىسىنىڭ ءادىسى، ستاتيستيكا ەكستراپولياسياسى جانە ەڭبەك تەڭگەرىمى نەگىزىندە ەكونوميكا-ماتەماتيكا ءادىسىن پايدالانا وتىرىپ، قازاقستان رەسپۋبليكاسى ۇلتتىق ستاتيستيكا اگەنتتىگىنىڭ ادىستەمەسى بويىنشا حالىقتىڭ تابيعي جانە كوشى-قون قوزعالىسىندا وبەكتيۆتى بولىپ جاتقان وزگەرىستەردى ەسكەرە وتىرىپ ورىندالدى. حالىقتىڭ كەلەشەكتەگى سانى الەۋمەتتىك-ەكونوميالىق قىزمەتتىڭ بارلىق سالاسىنداعى قىزمەتكە ەڭبەككە قابىلەتتى جاستاعى حالىقتىڭ وڭتايلى قوسىلۋىن ەسكەرە وتىرىپ، ستاتيستيكا ەكستراپولياسياسى ادىسىمەن ايقىندالعان» دەلىنگەن قۇجاتتا.
باس جوسپاردا ەسەپتىك مەرزىمگە جالپى ءبىلىم بەرەتىن مەكەمەلەردەگى ورىندار سانىن 257،4 مىڭ وقۋشى ورنىنا نەمەسە بۇرىننان بار 94341 ورىنعا، 164 مەكتەپكە نەمەسە باستاپقى جىلعا 100 مەكتەپكە ۇلعايتۋ كوزدەلگەن.
2035 جىلعا قاراي قالانىڭ شەكاراسى مەن قاڭقاسى وزگەرىسسىز قالادى. وسىعان قاراماستان، قالا ءتورت باعىتتا – «مەترو» سو اۋدانىنداعى قاراعاندى تاسجولىنا قاراي، ماڭگىلىك ەل كوشەسى، تۇران داڭعىلىنىڭ باتىسىندا، سونداي-اق «تەلمان» تۇرعىن الابىنىڭ وڭتۇستىگىنە قاراي وسەدى. ەلوردادا جاڭا ك-3 اينالما جولى پايدا بولادى. ول حۋسەين بەن تالال كوشەسىمەن، جاڭا تەمىرجول ۆوكزالىنىڭ جانىنان، بايقوڭىر اۋدانىنداعى ونەركاسىپ ايماعىنان ءوتىپ، نۇرعيسا تىلەندييەۆ داڭعىلىنان ۇلكەن تالدىكول كولىن اينالىپ وتەدى
مەكتەپكە دەيىنگى مەكەمەلەر جەلىسىن دامىتۋ ءۇشىن ەسەپتىك مەرزىمگە مەكتەپكە دەيىنگى مەكەمەلەردەگى ورىندار سانىن 82،7 مىڭ ورىنعا، ونىڭ ىشىندە مەملەكەتتىك جانە جەكە ۇلگىدەگى جەكە تۇرعان بالاباقشالاردا 64،8 مىڭ ورىنعا ۇلعايتۋ كوزدەلگەن.
پىكىر قالدىرۋ